Mangaldoi :
চৌদিশে কেৱল বেঙুনীয়া ৰঙৰ বনৰীয়া ফুলৰ শোভাই ১৫ নম্বৰ ৰাষ্ট্ৰীয় ঘাইপথৰ পথাচাৰী আৰু স্থানীয় ৰাইজৰ মন প্ৰাণ হৰিছে দৰঙৰ সদৰ মঙলদৈৰ নিকটৱৰ্তী বানে গৰাকা শাকতোলা নৈপৰীয়া পথাৰত।
মুঠতে সকলোৱে উপভোগ কৰিছে সুন্দৰ ফুলনি সদৃশ পৰিবেশৰ | বেঙুনীয়া ফুলনি চাবলৈ নাইবা ফটো উঠিবলৈ এতিয়া জিলাখনৰ ভিন্ন প্রান্তৰ লোক সকল পৰিয়াল সহ ধাপলি মেলা পৰিলক্ষিত হৈছে |
উল্লেখ্য যে বিগত বৰ্ষত বৃহত্তৰ অঞ্চলটিক প্রলয়ংকৰী বানে প্রায় এমাহ ধৰি ডুবাই ৰাখিছিল। এনেদৰে বহুদিন ধৰি বানত ডুবি থকাৰ পাছত বানত উটি আহি বেঙুনীয়া ফুলৰ তৃণবিৰ গজালি মেলে বা এইদৰে এখন বাগিচাৰ সৃষ্টি হয় বুলি স্থানীয় ৰাইজে সন্দেহ প্রকাশ কৰিছে।