O C Kulendra Hujari Of Sivasagar Police Station Suspended:
শিৱসাগৰ সদৰ থানাৰ অ’চি কুলেন্দ্ৰ হুজৰীক নিলম্বন ৷ লাচিত সেনাৰ নেতা শৃংখল চলিহাই গ্ৰেপ্তাৰৰ পাছতেই জামিন লাভ কৰা বাবেই নিলম্বন কৰা হয় কুলেন্দ্ৰ হুজৰীক ৷
উল্লেখ্য যে,সততে বিৰ্তকৰ মাজত থকা বহু বিৰ্তকিত বীৰ লাচিত সেনাৰ জ্যেষ্ঠ নেতা শৃংখল চলিহাক শিৱসাগৰ আৰক্ষীয়ে আটক কৰিছিল মঙলবাৰে ৷
চলিহাৰ বিৰুদ্ধে বিহু চান্দাৰ নামত ব্যৱসায়ীক হাৰাশাস্তিৰ অভিযোগ। আনকি ব্যৱসায়ী অংকুশ কেডিয়াৰ মুখলৈ থু নিক্ষেপ কৰাৰো অভিযোগ উদ্থাপিত হৈছিল ।
ইতিমধ্যে এই দৃশ্য সামাজিক মাধ্যমক ভাইৰেল হোৱাৰ লগতে চি চি টিভিতো বন্দী হৈছিল সেই দৃশ্য ৷
ব্যৱসায়ী অংকুশ কেডিয়াই শিৱসাগৰ সদৰ থানাত শৃংখলৰ বিৰুদ্ধে গোচৰ দিছিল ৷
সেইদিনাই শিৱসাগৰ জিলা উপ – আৰক্ষী অধীক্ষক ডেইজী গগৈৰ নেতৃত্বত যোৱা আৰক্ষী দল এটাই নিজৰ বাসগৃহৰ পৰাই গ্ৰেপ্তাৰ কৰে বহু বিৰ্তকিত শৃংখল চলিহাক।
আনকি আৰক্ষী সঞ্চালক প্ৰধান জি পি সিঙৰ টুইটযোগে এই কথা প্ৰকাশ কৰিছিল ৷ কিন্তু আদালতত ধৃত নেতা গৰাকীক আদালতত দাখিল কৰাৰ পাছতেই জামিন লাভ কৰে ৷ কিন্তু বুধবাৰে জামিনত মুকলি হৈ থানাৰ পৰা ওলাই আহোতেই আৰক্ষীয়ে এন এছ এ এক্টৰ অধীনত পুনৰ গ্ৰেপ্তাৰ কৰে ৷
