Vice-President will arrive in Assam on February 10:
কেইবাটাও কাৰ্যসূচীৰে দহ ফেব্ৰুৱাৰীত গুৱাহাটীলৈ আহিব দেশৰ উপ-ৰাষ্ট্ৰপতি জগদীপ ধনখেড় ৷
ৰাজ্যসভাৰ সভাপতি গৰাকীৰ অসম আগমনক লৈ তৎপৰ হৈ পৰিছে মহানগৰ প্ৰশাসন ৷ দুদিনৰ বাবে মহানগৰৰ কেতবোৰ সদাব্যস্ত অঞ্চলৰ পদপথত থকা দোকান-পোহাৰ বন্ধৰ নির্দেশ দিয়ে কামৰূপ মহানগৰ প্ৰসাসনে ৷
সেই অনুসৰি জালুকবাৰীৰ পৰা খানাপাৰালৈ , কাহিলিপাৰাৰ পৰা লালগণেশলৈ থকা পথছোৱাৰ পদপথত থকা দোকান – পোহাৰ বহুওৱাত নিষেধাজ্ঞা জাৰি কৰা হৈছে ৷
উল্লেখ্য যে,১০ ফেব্ৰুৱাৰীত কাহিলিপাৰাৰ দশম আৰক্ষী ছাউনীত উপ-ৰাষ্ট্ৰপতিৰ গৰাকীয়ে এক বিশেষ কার্যসূচীত অংশ লোৱাৰ লগতে ৰঙিয়াত অনুষ্ঠিত শ্ৰীমন্তশঙ্কৰদেৱ সংঘৰ অধিৱেশনতো ভাগ লোৱা কথা ৷
ইতিমধ্যে,উপ-ৰাষ্ট্ৰপতিৰ গুৱাহাটী আগমনকলৈ কামৰূপ মহানগৰ জিলা আয়ুক্ত কার্যালয়ত এক বৈঠক অনুষ্ঠিত কৰি কেতবোৰ সিদ্ধান্ত লোৱা হয় ৷ এই বৈঠকতে পদপথত দোকান – পোহাৰ বহুওৱাত বাধাৰোপৰ সিদ্ধান্ত লোৱা হয়।
