Modi in Jorhat:
শুক্ৰবাৰে দুদিনীয়া ভ্ৰমণসূচীৰে উত্তৰ – পূৰ্বলৈ অহা প্ৰধানমন্ত্ৰী নৰেন্দ্ৰ মোডীয়ে আজি দুপৰীয়া অৰুণাচলৰ পৰা যোৰহাটত উপস্থিত হয় ৷
যোৰহাটৰ ঐতিহাসিক হোলোঙাপাৰত কে’বাগৰাকী টাই পুৰোহিতৰ মন্ত্ৰোচ্চাৰনৰে পূজা – অৰ্চনাৰ অন্তত প্ৰধানমন্ত্ৰীয়ে মুখ্যমন্ত্ৰী ড:হিমন্ত বিশ্ব শৰ্মাৰ উপস্থিতিত লাচিতৰ প্ৰতিমূৰ্তি উন্মোচন কৰি দেশবাসীক উৎসৰ্গা কৰে ৷
প্ৰায় কে’বা লক্ষাধিক লোক উপস্থিত থকা মেলেং মেটেলী পথাৰৰ পৰাই একেলগে মুকলি কৰে ৮,৫০০ কোটি প্ৰকল্প ব্যয়ৰে ৫,৫৫,০৫৫টা পি এম এ ৱাইৰ গৃহ। সভাখনৰ আৰম্ভণিতে প্ৰধানমন্ত্ৰী গৰাকীক বিপুলভাৱে সম্বৰ্দ্ধনা জনায় মুখ্যমন্ত্ৰী ড:হিমন্ত বিশ্ব শৰ্মাই ৷ আদৰণী ভাষণত মুখ্যমন্ত্ৰী কয়,উত্তৰ- পূব আঠ ৰাজ্যক উপকৃত কৰি অহা প্ৰধানমন্ত্ৰীয়ে আজি এই সভাতে১৭,৫০০ কোটি ব্যয় সাপেক্ষ বহু কেইটা প্ৰকল্প উদ্বোধন আৰু শিলান্যাস কৰিব ৷ সদায় অসমৰ উন্নয়ণৰ প্ৰতি আগ্ৰহী প্ৰধানমন্ত্ৰীয়ে আগন্তুক দিনত ৰাজ্য খনৰ উন্নয়নৰ বাবে আৰু বহু দিয়াৰ আগ্ৰহী বুলি উল্লেখ কৰে মুখ্যমন্ত্ৰী গৰাকীয়ে ৷
২০২৪ চন কাজিৰঙা ৰাষ্ট্ৰীয় উদ্যানৰ সোণালী জয়ন্তী বৰ্ষৰ বাবে দেশৰ সকলো প্ৰান্তৰ লোকক এবাৰ হ’লেও কাজিৰঙা ভ্ৰমণ কৰিবলৈ আহ্বান জনায় প্ৰধানমন্ত্ৰীয়ে ।
প্ৰধানমন্ত্ৰীয়ে ভাষণত আৰু কয় যে,আজি মোৰ অসমৰ ৫.৫ লাখ পৰিয়ালৰ নিজা পকী ঘৰ থকাৰ সপোন পূৰণ হৈছে। এখন ৰাজ্যত, ৫.৫ লাখ লোকে তেওঁলোকৰ পচন্দৰ পকী ঘৰলৈ পাবলৈ গৈ আছে। কংগ্ৰেছ চৰকাৰৰ সময়ত মানুহে প্ৰতিটো ঘৰৰ বাবে হাবাথুৰি খাবলগীয়া পৰিস্থিতিৰ সৃষ্টি হৈছিল কিন্ত আমাৰ চৰকাৰে এট এটা দিনত ৫.৫ লাখ ঘৰ দি আছে।
মই অসমলৈ যিমানবাৰ আহিছো প্ৰতিবাৰেই অসমৰ ৰাইজে কৰা মৰমে মোৰ হৃদয় চুই গৈছে, এই মৰম মোৰ আটাইতকৈ ডাঙৰ সম্পদ বুলি অভিহিত কৰে প্ৰধানমন্ত্ৰী গৰাকীয়ে ৷ সভাত কেন্দ্ৰীয় মন্ত্ৰীদ্বয় সৰ্বানন্দ সোনোৱাল,ৰামেশ্বৰ তেলী সহ অসম মন্ত্ৰীসভাৰ সদস্য আৰু বিধায়ক সকল উপস্থিত থাকে ৷
উল্লেখ্য যে,এই বিশাল সভাতে পি এম মোডীয়ে ভাৰ্ছুৱেলী উদ্বোধন কৰে ৬২০ কোটি ব্যয় সাপেক্ষ তিনিচুকীয়া চিকিৎসা মহাবিদ্যালয় আৰু চিকিৎসালয় |আনহাতে ৫০০ কোটি ব্যয় সাপেক্ষ শিৱসাগৰ চিকিৎসা মহাবিদ্যালয় হাস্পতাল আৰু বি বৰুৱা কৰ্কট প্ৰতিষ্ঠানৰ বাবে ৩০০ কোটিৰ প্ৰকল্পৰ শিলান্যাস কৰে মোদীয়ে।
একেদৰে প্ৰধানমন্ত্ৰী গৰাকীয়ে ভাৰ্চুৱেলী ৫০০ কোটি ব্যয়ৰ সাপেক্ষ কেটেলাইটিক ৰিফৰ্মাৰ ইউনিট স্থাপনৰ সৈতে গুৱাহাটী শোধনাগাৰৰ বাৰ্ষিক ক্ষমতা ১.০ ৰ পৰা ১.২ মিলিয়ন মেট্ৰিকটনলৈ বৃদ্ধিকৰণ আৰু ৩০০ কোটি ব্যয়ৰ ভাৰতীয় তেল নিগমৰ গুৱাহাটী মহানগৰীৰ বেতকুছিস্থ টাৰ্মিনেলৰ সুবিধা সমূহৰ উন্নীতকৰণ আৰু সম্প্ৰসাৰণৰ শিলান্যাস কৰে ৷