Narendra Modi Elected as the Leader of the NDA Parliamentary Party:
নতুন দিল্লীৰ পুৰণি সংসদ ভৱনৰ চেন্টেল হলত আজি অনুষ্ঠিত এন ডিএ গুৰুত্বপূৰ্ণ বৈঠকত সৰ্বসন্মতিক্ৰমে এনডিএ সংসদীয় দলৰ নেতাৰূপে নিৰ্বাচিত কৰা হয় নৰেন্দ্ৰ মোদীক ৷
নৰেন্দ্ৰ মোদীৰ নাম প্ৰস্তাৱ কৰে তদানীন্তন প্ৰতিৰক্ষা মন্ত্ৰী ৰাজনাথ সিঙে ৷ তাৰ পিছতে এনডি এ সহযোগ দলৰ দুই শক্তিশালী নেতা টিডিপিৰ মুৰব্বী চন্দ্ৰবাবু নাইডু আৰু জেডিইউৰ মুৰব্বী তথা বিহাৰৰ মুখ্যমন্ত্ৰী নীতিশ কুমাৰ সহ সকলো দলৰ নেতাই সমৰ্থন আগবঢ়াই ৷
নীতিশ কুমাৰে তেওঁৰ ভাষণত কয় ,তেওঁ সদায় মোদীৰ পক্ষত অৱস্থান কৰি যাব ৷ ইণ্ডি এলায়েন্স কটাক্ষ কৰি নীতিশ কুমাৰে কয়’ এনডিএৰ কাৰো ইফাল-সিফাল নহ’ব ৷ আনহাতে শিৱসেনাৰ নেতা তথা মহাৰাষ্ট্ৰৰ মুখ্যমন্ত্ৰী একনাথ সিন্ধেই কয়,এই জোঁটবন্ধন ‘ফেবিকল কা জোড় হে ‘৷
আনহাতে,বিজেপিৰ সভাপতি জে পি নাড্ডাই কয়,১০ বছৰৰ পূৰ্বৰ ভাৰত এতিয়াৰ ভাৰতৰ মাজত বহু পাৰ্থক্য আছে ৷ পূৰ্বৰ তুলনাত বহু উন্নয়ন হৈছে ভাৰতৰ ৷
এনডিএ জনাকীৰ্ণ সভা খনত সৰ্বসন্মতিক্ৰমে এনডিএ নেতাৰূপে নিৰ্বাচিত হোৱাৰ পাছত প্ৰধানমন্ত্ৰী নৰেন্দ্ৰ মোদীয়ে তেওঁৰ সুদীৰ্ঘ ভাষণত কেতবোৰ গুৰুত্বপূৰ্ণ মন্তব্য প্ৰকাশ কৰি কয় ,এন ডি এ ভাৰতৰ আত্মা ৷এন ডি এ প্ৰতিটো দলৰ মাজত বিশ্বাস আছে বাবে সকলো সম্ভৱ হৈছে ৷ মই ভাগ্যৱান,আপোনালোকে মোক নিৰ্বাচিত কৰিলে। আগন্তুক দিনত বিকশিত ভাৰত গঢ়াৰ ক্ষেত্ৰত নিস্বাৰ্থভাবে কাম কৰি যাম ৷
জনতাই এনডিএক চৰকাৰ গঠন কৰিবলৈ দিয়াৰ পাছতেই ২২ খন ৰাজ্যত সেৱা আগবঢ়োৱাৰ সুযোগ আমি পালোঁ ৷ ইভিএম জীয়াই আছেনে? ইভিএমক গালি পাৰি থকা সকলৰ মুখ ৪ জুনত বন্ধ হৈ গ’ল বুলি ভাষণ প্ৰসংগত মন্তব্য কৰে নৰেন্দ্ৰ মোদীয়ে ৷
মোদীৰ ভাষণৰ পাছতে এনডিএ সহযোগী দলৰ সাংসদ সকলে এজন এজনকৈ ফুলৰ থোপাৰে অভিনন্দন জনায় ৷
উল্লেখ্য যে,সভাখনত অসমৰ মুখ্যমন্ত্ৰী ড:হিমন্ত বিশ্ব শৰ্মা,তদানীন্তন কেন্দ্ৰীয় মন্ত্ৰী সৰ্বানন্দ সোনোৱাল,অগপৰ সভাপতি অতুল বৰা ,ইউপিপিএলৰ মুৰব্বী প্ৰমোদ বড়ো সহ উত্তৰ-পূৰ্বৰ বিজেপি শাসিত আৰু এনডিএ সহযোগী দলৰ মুখ্যমন্ত্ৰী সকল উপস্থিত থাকে।
