IIT Guwahati student found dead in hostel:IIT গুৱাহাটী আই আই টিত পুনৰ ছাত্ৰৰ আত্মহনন

IIT Guwahati student found dead in hostel:

গুৱাহাটীৰ আই আই টিৰ পুনৰ শিক্ষাৰ্থীৰ আত্মহনন ৷ তৃতীয় বৰ্ষৰ বি টেকৰ ছাত্ৰ এজনক প্ৰতিষ্ঠান খনৰ ব্ৰক্ষ্মপুত্ৰ হোষ্টেলৰ কোঠাত মৃত অৱস্থাত উদ্ধাৰ হোৱা ঘটনাই এমাহৰ ভিতৰত প্ৰতিষ্ঠানটোত দ্বিতীয়বাৰৰ বাবে আত্মহত্যা ঘটনা হিচাপে বিবেচিত হয় ৷

বি টেকৰ কম্পিউটাৰ বিজ্ঞানৰ ছাত্ৰ বিমলেশ কুমাৰক সোমবাৰে পুৱা ব্ৰহ্মপুত্ৰ হোষ্টেলৰ হোষ্টেলৰ কোঠাত মৃত অৱস্থাত উদ্ধাৰ হয়। উত্তৰ প্ৰদেশৰ ২১ বছৰীয়া ছাত্ৰজনৰ আত্মহত্যাৰ ঘটনাক লৈ অভিযোগ উত্থাপন হৈছে।

ইতিমধ্যে ঘটনাস্থলীত আৰক্ষী উপস্থিত হৈ মৃতদেহটো মৰণোত্তৰ পৰীক্ষাৰ বাবে চিকিৎসালয়লৈ প্ৰেৰণ কৰিছে আৰক্ষীয়ে ।উল্লেখ্য যে এই ঘটনাই এমাহৰ ভিতৰত ইনষ্টিটিউট খনত দ্বিতীয়টো আত্মহত্যাৰ ঘটনা। যোৱা ৯ আগষ্টত উত্তৰ প্ৰদেশৰ এম টেকৰ ছাত্ৰী সৌম্যাক দিছাং হোষ্টেলৰ কোঠাত মৃত অৱস্থাত উদ্ধাৰ হৈছিল ।

আনহাতে এমাহত দুটাকৈ আত্মহত্যাক লৈ উদ্বিগ্ন প্ৰকাশ কৰিছে প্ৰতিষ্ঠান খনৰ শিক্ষাৰ্থী সকল ৷ সোমবাৰে গুৱাহাটী আই আই টিৰ ছাত্ৰ-ছাত্ৰী সকলে হাতত প্লে’কাৰ্ড লৈ এক বিক্ষোভ কাৰ্যসূচী ৰূপায়ণ কৰে। প্ৰতিবাদকাৰী সকলে ছাত্ৰ-ছাত্ৰীৰ
মানসিক স্বাস্থ্য উন্নত কৰাৰ বাবে ইনষ্টিটিউট কৰ্তৃপক্ষক আহ্বান জনায়। আনহাতে আৰক্ষীয়ে ইনষ্টিটিউট কৰ্তৃপক্ষৰ সৈতে মিলি পৰিস্থিতিৰ পুংখানুপুংখ তদন্ত আৰম্ভ কৰিছে ৷