Terrible road accident in Khanapara
দীপাৱলীৰ আনন্দ- উছাহৰ মাজতে মহানগৰীৰ খানাপাৰাত জ
নিশা সংঘটিত এক ভয়ংকৰ দুৰ্ঘটনাত থিতাতে প্ৰাণ গ’ল এহাল যুৱক- যুৱতীৰ। আনহাতে শোকাৱহ দুৰ্ঘটনাটোত গুৰুতৰভাৱে আহত হয় নেহা বসুমতাৰী ৷ তেওঁক নিশাই ভৰ্তি কৰা হয় জিএমচিএইছত ৷ বৰ্তমান নেহা সংকটমুক্ত বুলি জানিব পৰা গৈছে। নেহাৰ ঘৰ গহপুৰত।
আনহাতে, মৃত্যু হোৱা যুৱকজনৰ নাম দীপিত দে’ আৰু যুৱতীগ ৰাকীৰ নাম কনামিকা নাৰ্জাৰী। কনামিকাৰ ঘৰ কোকৰাঝাৰৰ ঝাড়াগুৰিত আৰু দীপিত দেৰ ঘৰ গুৱাহাটীৰ খ্ৰীষ্টানবস্তিৰ শ্ৰীনগৰত । কনামিকা নাৰ্জাৰীয়ে গুৱাহাটীত কোচিং কৰি থকাৰ বিপৰীতে দীপিত আছিল গুৱাহাটী কৰ্মাচ কলেজৰ ছাত্ৰ।
প্ৰাপ্ত খবৰ অনুসৰি,দীপাৱলীৰ নিশা মহানগৰীৰ খানাপাৰাত এখন বগা স্কৰপিঅ’ আৰু আন এখন ক’লা ৰঙৰ স্কৰপিঅৰ মাজত সংঘটিত হয় মুখামুখি সংঘৰ্ষ। দুৰ্ঘটনাটো ইমানেই ভয়ংকৰ আছিল যে ক’লা ৰংঙৰ স্ক’ৰপিঅ’ খনে বিপৰীত ফালৰ পৰা অহা বগা স্কৰপিঅ খনৰ সন্মুখৰ পৰা প্ৰচণ্ড খুন্দা মাৰি পথৰ কাষৰ ৰেলিং ভাঙি ফুটব্ৰীজৰ ওপৰত খুন্দা মাৰি পুনৰ তলত পৰে বাহনখন। ফলত স্কৰপিঅ’খন চূৰ্ণ-বিচূৰ্ণ হৈ পৰে।খানাপাৰাৰ দিশৰ পৰা আহিছিল ক’লা ৰঙৰ স্কৰপিঅ’খন। তিনিদিনৰ পূৰ্বেহে ক্ৰয় কৰিছিল স্ক’ৰপিঅ খন।
নিশা বাৰৰ পৰা ওলাই ওলায় অহা ক’লা স্কৰপিঅ ’খনত আছিল তিনি যুৱক-যুৱতী। তিনি যুৱক-যুৱতীৰ হাতত আছিল বাৰৰ এণ্ট্ৰী টেগ। খানাপাৰাত ইউ-টাৰ্ণ লোৱাৰ সময়তে নিয়ন্ত্ৰণ হেৰুৱাই বগা ৰঙৰ স্কৰপিঅ’খনত সন্মুখৰ পৰা প্ৰচণ্ড খুন্দা মাৰিছিল ক’লা স্কৰপিঅ’খনে।
আনহাতে নিশাই দিছপুৰ আৰক্ষী উপস্থিত হৈ নিহত যুৱক-যুৱতী হালৰ মৃতদেহ মৰনোত্তৰ পৰীক্ষাৰ বাবে জি এম চিএইছলৈ প্ৰেৰণ কৰাৰ বিপৰীতে নেহা নামৰ আহত যুৱতী গৰাকীক ততাতৈয়াকৈ প্ৰেৰণ কৰে জি এম চিএইছলৈ ৷
আৰক্ষী সূত্ৰে সদৰি কৰা মতে অত্যাধুনিক সুৰা পান কৰি ক’লা স্কৰপিঅ’খন চলাইছিল দীপিত দে’ই । যাৰ ফলত সংঘটিত হয় ভয়ংকৰ পথ দুৰ্ঘটনাটি ।
