Seagull Theatre Presents’The Lesson:
ৰাজ্যখনৰ এক পুৰণি নাট্যগোষ্ঠী ‘ছিগাল থিয়েটাৰ’- এ পৰিবেশন কৰিব নাটক ‘দ্য লেচন’। প্ৰখ্যাত ৰোমানিয়ান – ফৰাচী নাট্যকাৰ ইউজিন আয়’নেস্কোই লিখা নাটক খনৰ অসমীয়ালৈ অনুবাদ কৰিছে বাহাৰুল ইছলামে | নাটকৰ পৰিকল্পনা আৰু পৰিচালনা ভাগীৰথী বাইৰ।
বৰ্তমান সময়, শিক্ষা ব্যৱস্হা আৰু অধ্যয়নৰ গভীৰতা বিষয়ক এক মননশীল নাট্য প্ৰযোজনাটি পৰিবশেন কৰা হ’ব গুৱাহাটীৰ ৰাধাগোৱিন্দ পথস্হিত জুৰনি পথৰ ‘ছিগাল ষ্টুডিঅ’ত ১০ নৱেম্বৰত সন্ধিয়াৰ ৬ বজাত।
নাটৰ সংগীত আকাশ শইকীয়াৰ আৰু পোহৰ সজ্জাৰ দায়িত্বত আছে আফটাফ হুচেইন। নাটকৰ বিভিন্ন চৰিত্ৰত অভিনয় কৰিছে ৰাজু ৰয়, বি পালকি আৰু ভাগীৰথী বাই।
উল্লেখযোগ্য যে এই নাটকখন কেই বছৰমান আগতে অসমৰ লগতে কলকাতাৰ নান্দীকাৰকে ধৰি দেশৰ কেবাখনো নাট্য মহোৎসৱত সফলতাৰে মঞ্চস্থ কৰা হৈছিল। নাটখনৰ প্ৰাসংগিকতালৈ লক্ষ্য ৰাখি পুনৰ পৰিবেশনৰ ব্যৱস্হা কৰা হৈছে।
