Union minister Sarbananda Sonowal attended the Tribal Pride Day celebrations at Dinjay Tea Estate grounds in Dibrugarh:
প্রধানমন্ত্রী নৰেন্দ্ৰ মোদীয়ে শুক্ৰবাৰে বিহাৰৰ জমুইৰ পৰা ধৰতী আবা বীৰছা মুণ্ডাৰ ১৫০তম জয়ন্তী বর্ষ উদযাপনৰ শুভাৰম্ভ কৰে আৰু প্ৰায় ৬,৬৪০ কোটি টকাৰ বিভিন্ন উন্নয়নমূলক প্ৰকল্পৰ শুভাৰম্ভ আৰু আধাৰশিলা স্থাপন সুযোগ আৰু প্ৰশিক্ষণ ত্বৰান্বিত কৰাৰ লক্ষ্যৰে এই আঁচনিৰ জৰিয়তে ৮০,০০০ কোটি টকা বিনিয়োগ কৰা হৈছে।
আজিৰ এই বিশেষ দিনটোত বীৰছা মুণ্ডা আৰু জনজাতীয় স্বাধীনতা সংগ্রামীসকল তথা ৰাষ্ট্ৰ নিৰ্মাণৰ যাত্রাত উল্লেখযোগ্য অৰিহণা আগবঢ়োৱা মহান জনজাতীয় ব্যক্তিসকলৰ স্মৃতিত ডিব্ৰুগড়ৰ চাবুৱাৰ অনুষ্ঠানত গভীৰ শ্ৰদ্ধার্ঘ নিবেদন কৰা হয়। আজিৰ অনুষ্ঠানত কেইবাগৰাকীও হিতাধিকাৰীক কেন্দ্ৰীয় মন্ত্ৰী সৰ্বানন্দ সোণোৱালে আনুষ্ঠানিকভাৱে ভূমিৰ পট্টা, আয়ুষ্মান স্বাস্থ্য বীমা কার্ড আদি বিতৰণ কৰে।
তেখেতৰ বৰ্ণাঢ্য জীৱনৰপৰা শিক্ষা লৈ আমি ভাৰতবৰ্ষৰ সর্বাংগীণ উন্নয়ন, আত্মনিৰ্ভৰশীলতা তথা শ্রীবৃদ্ধিৰ পথত সম্মিলিত প্ৰচেষ্টাৰে আগবাঢ়ি যাওঁ আহক। ধৰতী আবা বীৰছা মুণ্ডা আছিল এগৰাকী মহান জনজাতীয় বিপ্লৱী,যিয়ে ব্ৰিটিছৰ ঔপনিৱেশিক শাসন আৰু অন্যায়- অবিচাৰৰ বিৰুদ্ধে সংগ্রাম কৰি জনজাতীয় সমাজক স্বদেশ-স্বজাতিৰ হকে ঐক্যবদ্ধ কৰিছিল। দেশমাতৃৰ বাবে বীৰ পুৰুষ গৰাকীৰ অদম্য সাহস, ত্যাগ আৰু গভীৰ দায়বদ্ধতাই প্রতিটো প্রজন্মকে অনুপ্রাণিত কৰি আহিছে।
আজি পুণ্য জন্মবার্ষিকীত ভাৰতী আইৰ অমৰ সন্তান গৰাকীলৈ মোৰ সশ্রদ্ধ প্ৰণিপাত জনালোঁ। অনুষ্ঠানত ৰাইজক সম্বোধন কৰি কেন্দ্রীয় মন্ত্রী সর্বানন্দ সোণোৱালে কয়, আজিৰ দিনটো সমগ্ৰ ভাৰতৰ বাবে এক গুৰুত্বপূৰ্ণ দিন যিহেতু আমি ৰাষ্ট্ৰ নিৰ্মাণৰ দিশত জনজাতীয় জনগণৰ সমৃদ্ধ ঐতিহ্য আৰু অপৰিসীম অৱদান উদযাপন কৰিছোঁ। প্ৰধানমন্ত্ৰী নৰেন্দ্ৰ মোদীৰ দূৰদৰ্শী নেতৃত্বত ২০১৪ চনৰ পৰা ভাৰতৰ কেইবা কোটি জনজাতীয় লোক বিভিন্ন চৰকাৰী কল্যাণমূলক আঁচনিৰ দ্বাৰা লাভান্বিত হৈছিল। বিজেপি চৰকাৰৰ দিনত জনজাতীয় লোকসকলৰ দীৰ্ঘদিনীয়া দাবী, অধিকাৰ, প্ৰয়োজনীয়তা আদি পূৰণ হৈছে আৰু জনজাতীয় ভাতৃ-ভগ্নীসকলে মর্যাদা আৰু সন্মানেৰে জীৱন নিৰ্বাহ কৰিব পাৰিছে। দেশমাতৃৰ বীৰ সন্তান বীৰছা মুণ্ডাৰ অমৰ দেশপ্রেম, আত্মবলিদান আৰু সাহসৰ অবিস্মৰণীয় গাথা ভাৰতীয় ইতিহাসৰ এক প্ৰেৰণাদায়ক অধ্যায়। তেখেতৰ ত্যাগ, বীৰত্ব আৰু কৰ্মচেতনাৰ ইতিহাসেৰে উদ্বুদ্ধ হৈ আমি এখন সমৃদ্ধিশালী, আত্মনিৰ্ভৰ আৰু বিকশিত ভাৰত গঢ়িব লাগিব।
সোণোৱালে আজি কয়, জনজাতীয় কল্যাণৰ বাবে মোদীয়ে ধৰতী আবা জনজাতীয় গ্রাম্য উৎকর্ষ অভিযানৰ সূচনা কৰিছিল। দুর্গম এলেকাত বাস কৰা জনজাতীয় লোকসকলক পথ, পানী, স্বাস্থ্য, দূৰসংযোগ, বিদ্যুৎ, গৃহ নিৰ্মাণৰ দৰে মৌলিক সুবিধা প্ৰদান কৰা হৈছে। ৭৯,১৫৬ কোটি টকাৰ আঁচনি ৰূপায়ণ কৰা হৈছে, ৩০ খন ৰাজ্য আৰু কেন্দ্ৰীয় শাসিত অঞ্চলৰ ৬৩,৮৪৩ খন গাঁৱত বাস কৰা ৫.৩৩৮ কোটি জনজাতীয় লোকৰ বাবে প্ৰাথমিক সুবিধা উপলব্ধ কৰা হৈছে। প্রধানমন্ত্রী আবাস যোজনা (গ্ৰাম্য)ৰ অধীনত জনজাতীয় সম্প্রদায়ৰ বাবে ২০ লাখ পকী ঘৰ, ঘৰৰ বৈদ্যুতিকৰণ আৰু অফ-গ্রিড সৌৰশক্তি, নতুন সৌৰশক্তি আঁচনি, ২.৩৫ লাখ বিজুলীবিহীন ঘৰ আৰু ৰাজহুৱা প্রতিষ্ঠানলৈ গ্রীড/ছ’ লাৰৰ জৰিয়তে বৈদ্যুতিকৰণ, ৰাষ্ট্ৰীয় স্বাস্থ্য অভিযানৰ অধীনত ১০০০টা ভ্রাম্যমাণ মেডিকেল ইউনিট, কৃষি আৰু কৃষক কল্যাণ মন্ত্ৰালয়ৰ একাধিক আঁচনি ৰূপায়ণ, ২ লাখ এফআৰএ পট্টাধাৰী হিতাধিকাৰী, স্বদেশ দৰ্শনৰ অধীনত ১০০০ জনজাতীয় নিবাস নির্মাণ, প্রধানমন্ত্রী গ্রাম সড়ক যোজনাৰ অধীনত জনজাতীয় অঞ্চলত ২৫,০০০ কিল’মিটাৰ পথৰ নিৰ্মাণ, ৮,০০০ অংগনৱাড়ী কেন্দ্র স্থাপন, মৎস্য সংস্কৃতিৰ সহায়ৰ বাবে ১ লাখ ব্যক্তিগত আৰু ১০,০০০ সামূহিক হিতাধিকাৰীৰ সৃষ্টি, জল জীৱন মিছনৰ অধীনত ২৯,৪৬২ খন জনজাতীয় গাঁও, প্রধানমন্ত্রী জন আৰোগ্য যোজনাৰ অধীনত ১১,৫৩৯ খন গাঁও, সমগ্র শিক্ষা অভিযানৰ অধীনত ১,০০০ খন হোষ্টেলৰ নিৰ্মাণ, টেলিকম প্রযুক্তি উন্নয়ন পুঁজিৰে ৫,০০০ খন গাঁও, জনজাতীয় গোট আদিত ১,০০০টা দক্ষতা কেন্দ্ৰৰ নিৰ্মাণ আদি বিভিন্ন কল্যাণকামী পদক্ষেপ সম্ভৱ হৈ উঠিছে বিজেপি নেতৃত্বাধীন এনডিএ চৰকাৰৰ সু শাসনৰ ফলতহে। পূৰ্বৰ চৰকাৰৰ দিনত জনজাতীয় সম্প্রদায় সকলো দিশতে পিছপৰি আছিল, কংগ্রেছে তেওঁলোকক অৱহেলা কৰিছিল। কিন্তু মোদীয়ে দিলে জনজাতীয় সম্প্রদায়ক উচিত সন্মান আৰু মৰ্যাদা।
