Singer Monali Thakur Rushed To Hospital as The Struhggles To Breathe During Performance:
বলীউডৰ জনপ্ৰিয় কণ্ঠশিল্পী মনালী ঠাকুৰ হঠাতে অসুস্থ ৷ উত্তৰবংগৰ এক সংগীতানুষ্ঠানত যোৱা নিশা সংগীত পৰিবেশন কৰি থকা অৱস্থাত শ্বাহ-প্ৰশ্বাস লোৱাত অসুবিধা হয় মনালীৰ ৷যাৰবাবে অনুষ্ঠান আধাতে সামৰি ততাতৈয়াকৈ মনালীক ভৰ্তি কৰা হয় দিনহাটা মহকুমা অসামৰিক চিকিৎসালয়ত ৷
উল্লেখ্য যে উত্তৰবংগৰ দিনহাটা মহোৎসৱৰ সাংস্কৃতিক সন্ধিয়াত গীত পৰিৱেশন কৰি আছিল সাৱাৰ লুন আৰু মহ মহ কে ধাগেৰ দৰে হিট গীতৰ বাবে পৰিচিত জনপ্ৰিয় প্লেবেক গায়িকা গৰাকীয়ে ৷
আনহাতে মনালীৰ দিনহাটা হাস্পতালৰ পৰা উন্নত চিকিৎসাৰ বাবে মনালী ঠাকুৰক এম্বুলেন্সেৰে কোচবিহাৰৰ এখন ব্যক্তিগত চিকিৎসালয়ত ভৰ্তি কৰা হয় ৷ বতৰ্মান চিকিৎসালয় খনৰ বিশেষজ্ঞ চিকিৎসকৰ নিৰীক্ষণত ৰখা হৈছে কন্ঠশিল্পী গৰাকীক ৷ মনালী ঠাকুৰে এতিয়ালৈকে ছ’চিয়েল মিডিয়াত কোনো স্বাস্থ্য আপডেট শ্বেয়াৰ কৰা নাই ।
উল্লেখ্য যে,কেইসপ্তাহমানৰ পূৰ্বে মনালীয়ে এক ঘটনাৰ বাবে বাতৰি শিৰোনাম দখল কৰিছিল ৷ বাৰাণসীত তেওঁ সংগীত পৰিৱেশন কৰি থকা অৱস্থাত হঠাতে সংগীতানুষ্ঠান বন্ধ কৰি দিয়ে ৷ তেওঁৰ অভিযোগ মঞ্চৰ ব্যৱস্থাপনাত ব্যাপক আসোঁৱাহ আছে ৷ ইয়াৰ বাবে হয়তো তেওঁৰ গোৰোহাৰ আঘাত হোৱাৰ আশংকা কৰে ৷ সেইবাবেই তেওঁ হঠাতে অনুষ্ঠান সামৰিব লগীয়া হোৱা বাবে উপস্থিত শ্ৰোতা – অনুৰাগীৰ ওচৰত ক্ষমা প্ৰাৰ্থনা কৰে ৷
ইপিনে সংগীতানুষ্ঠান হঠাতে বন্ধ কৰি দিয়া সন্দৰ্ভত ইতিমধ্যে এটা ভাইৰেল ভিডিঅ’ত দেখা গৈছিল য’ত স্বয়ং মনালীয়ে কৈছিল , “মোৰ টিম আৰু মই ইয়াত অনুষ্ঠান পৰিৱেশন কৰিবলৈ ইমানেই উৎসাহিত হৈছিলো যদিও পিছত কেতবোৰ কাৰণত মই ক্ষুন্ন আৰু হতাশ হৈছো। মঞ্চৰ আন্তঃগাঁথনি আৰু ইয়াৰ অৱস্থানৰ দায়িত্ব আয়োজক কমিটিৰ ৷ আনকি মই গীত গাই থকা সময়ত গীতৰ তালে তালে নৃত্য কৰি থকা শিল্পী সকলে অনিয়ন্ত্ৰীত হৈ পৰিছিল ৷ তেওঁ লোক মোৰ কাষ চাপি আহিছিল ৷ মই মোৰ ভৰিৰ গোৰোহাত আঘাত হ’ব পৰাৰ আশংকা কৰিছিলোঁ ৷ এই সন্দৰ্ভত সোৱৰাই দিয়াও হৈছিল ৷
কণ্ঠ শিল্পী গৰাকীয়ে লগতে কয়, মোৰ গীত শুনিবৰ বাবে অগণন শ্ৰোতা আৰু অনুৰাগীৰ সমবেত হৈছিল সংগীতানুষ্ঠান খনত ৷ এনে প্ৰেক্ষাপটত মই আয়োজকৰ এনে অৰাজকতাৰ বাবে ৰাইজক কৈছিলো,’মই আপোনালোক সকলোৰে প্ৰতি জবাবদিহি, আৰু আপোনালোক মোৰ বাবে আহে, নহয়নে? গতিকে, এই সকলোবোৰৰ বাবে আপুনি মোক জবাবদিহি কৰিব। মই আন্তৰিকতাৰে ক্ষমা বিচাৰিছো যে আমি এই অনুষ্ঠানটো বন্ধ কৰিব লাগিব, কিন্তু মই নিশ্চিতভাৱে উভতি আহিম অচিৰেই । আৰু আশাকৰোঁ ইয়াতকৈ বহুত ভাল অনুষ্ঠান আপোনালোকক দিব পাৰিম। গতিকে, আমাক ক্ষমা কৰিব।”