Indo- Bangla Border BSF Raid:
পশ্চিমবংগৰ ভাৰত – বাংলাদেশ সীমান্তৱৰ্তী নদিয়াৰ মাজদিয়া থানাৰ বিঘাডুৰৰ এখন তামোলৰ বাগিচাৰ মাজত আছিল চাৰিটাকৈ জুপুৰি ৷ সেই জুপুৰিৰ কাষতে মাটিৰ বাংকাৰৰ পৰা উদ্ধাৰ বৃহৎ পৰিমাণৰ নিষিদ্ধ কফ চিৰাপৰ বটল ৷
বিএছএফৰ ৩২ নং বেটেলিয়নে বিশেষ খবৰৰ ভিত্তিত উক্ত অঞ্চলত অৰ্তকিতে অভিযান চলাই চাৰিটা মাটিৰ বাংকৰাৰ তলৰ পৰা উদ্ধাৰ কৰে প্ৰায় ডেৰকোটি মূল্যৰ কফ চিৰাপ ৷ সন্দেহ কৰা মতে কফ চিৰাপ সমূহ বাংলাদেশলৈ সৰবৰাহ কৰাৰ বাবে সৰবৰাহকাৰীয়ে মজুত কৰি ৰাখিছিল ৷ উল্লেখ্য যে, শুকুৰবাৰৰ পৰাই বি এছ এফৰ এই অভিযান আৰম্ভ হৈছিল আৰু শনিবাৰে বিয়লি এই অভিযান ‘সমাপ্ত’ ঘোষণা কৰে।
আজি উদ্ধাৰ হোৱা ৬২,২০০ বটলটা কফ চিৰাপৰ আনুমানিক বজাৰ মূল্য প্ৰায় ডেৰ লাখ টকা হ’ব বুলি নিশ্চিত কৰিছে বিএছএফে ৷
# কেনেকৈ উদ্ধাৰ হ’ল মাটিৰ বাংকাৰ কেইটা
বি এছ এফৰ সূত্ৰ অনুসৰি, কৃষ্ণনগৰ আৰক্ষী জিলাৰ মাজদিয়া থানা এলেকাৰ নাগাটা সীমান্তৱৰ্তী অঞ্চলত বৃহৎ পৰিমাণৰ ফেনচিডিল মজুত থকা বুলি এক সূত্ৰৰ জৰিয়তে সীমান্তৰক্ষী বাহিনীৰ ৩২ নং বেটেলিয়নলৈ তথ্য লাভ কৰিছিল। ইয়াৰ পিছতে কৃষ্ণগঞ্জৰ মাজদিয়া সুধৰঞ্জন লাহিৰি মহাবিদ্যালয়ৰ সমীপৰ এখন আমৰ বাগিচালৈ যায় টংগী সীমান্ত আউটপোষ্টৰ বিএছএফৰ শ্ৰমিকসকল।
শুকুৰবাৰে পুৱা প্ৰায় ৩:৩০ বজাত আম বাগিচাৰ আশে-পাশে অনুসন্ধান আৰম্ভ হয়। স্থানীয় আৰক্ষী থানাক এই সম্পৰ্কে অৱগত কৰে বিএছএফৰ অভিযানকাৰী দলে ৷ আনহাতে এই অভিযানকালত আৰক্ষীয়েও সহযোগ কৰে বিএছএফক ৷
ইয়াৰ পিচতে আম বাগানক পহৰা দিবলৈ বনোৱা জুপুৰিটোৰ তলত মাটি খান্দি মাটিৰ তলৰ ‘ষ্ট’ৰেজ’ এটা পোৱা গ’ল। তাৰ ঠিক কাষৰ আম গছ এজোপাৰ কাষতে আন এটা বাংকাৰ খান্দি উলিওৱা হয়। ইয়াৰ পিছতে বি এছ এফৰ বোমা বিশেষজ্ঞ দলো উপস্থিত হয় সেই স্থানত। লগে লগে বৃদ্ধি কৰা হয় নিৰাপত্তা ব্যৱস্থা ৷
আনহাতে শুকুৰবাৰে নিশা হোৱাৰ পিছতে স্তব্ধ হৈ পৰে তালাচী অভিযান। শনিবাৰে পুৱাৰে পৰা পুনৰ অনুসন্ধান আৰম্ভ হয়। উদ্ধাৰ হয় আৰু দুটা বাংকাৰ। দিনৰ ১ বজালৈকে অনুসন্ধানৰ সময়ত বহু নিষিদ্ধ কফ চিৰাপ উদ্ধাৰ হয়। বি এছ এফৰ মতে সীমান্তত চোৰাংভাৱে নিষিদ্ধ কফ চিৰাপ সৰবৰাহৰ বৃহৎ চক্ৰ এটি সংগোপনে গা কৰি উঠিছিল ৷
দক্ষিণ বংগ সীমান্তৰ বি এছ এফৰ ডি আই জি (জনসংযোগ) নিলোৎপল পাণ্ডেই কয় যে, ‘সীমান্ত অতিক্ৰম কৰি বৃহৎ চোৰাং ব্যৱসায়ৰ নেটৱৰ্ক উৎখাত বি এছ এফৰ অন্যতম সফলতা হিচাপে বিবেচিত হৈছে ।”
