US Canada Tariff Conflict:ট্রাম্পক প্ৰত্যুত্তৰ ট্রুডোৰ !
আমেৰিকাৰ পণ্যৰ ওপৰত ওলোটাই ২৫ শতাংশ শুল্ক আৰোপ কৰিলে কানাডাই
কানাডাই আমেৰিকান সামগ্ৰীৰ ওপৰত ২৫ শতাংশ শুল্ক আৰোপ কৰিছে। কানাডাৰ প্ৰধানমন্ত্ৰী জাষ্টিন ট্ৰুডোৱে অনাগত দিনবোৰত কঠোৰ পদক্ষেপ লোৱাৰ সতৰ্কবাণী দিছে।
তেওঁ জনাই যে আমেৰিকাৰ পৰা কানাডালৈ আমদানি কৰা বৃহৎ পৰিমাণৰ সামগ্ৰীৰ অনুমানিক মূল্য ১২ হেজাৰ ৫০০ কোটি কানাডিয়ান ডলাৰ ।
কানাডাই এই পৰিমাণৰ সামগ্ৰীৰ ওপৰত ২৫ শতাংশ শুল্ক আৰোপ কৰিছে। ২১ দিনৰ ভিতৰত এই শুল্কটো কাৰ্যকৰী কৰা হ’ব। আমেৰিকা যুক্তৰাষ্ট্ৰৰ ৰাষ্ট্ৰপতি ড’নাল্ড ট্ৰাম্পৰ সিদ্ধান্তৰ ফলত এই শুল্ক আৰোপ কৰা হৈছে বুলি জনাইছে ট্ৰুডোৱে ।
ক্ষমতালৈ অহাৰ লগে লগে ট্ৰাম্পে ঘোষণা কৰে যে তেওঁ চুবুৰীয়া কানাডিয়ান আৰু মেক্সিকান সামগ্ৰীৰ ওপৰত শুল্ক আৰোপ কৰিব। শেহতীয়াকৈ সেইটো প্ৰয়োগ কৰা হৈছে।
ট্ৰাম্পে কয় যে অহা মঙলবাৰৰ পৰা আমেৰিকাই কানাডাৰ সামগ্ৰীৰ ওপৰত ২৫ শতাংশ শুল্ক আৰোপ কৰিব। ইয়াৰ উত্তৰত ট্ৰুডোৱে শনিবাৰে নিশা (স্থানীয় সময় অনুসৰি) এক বিবৃতিত কয় যে, “যিকোনো ধৰণৰ শুল্কে মুক্ত বাণিজ্য চুক্তি উলংঘা কৰে।কানাডাৰ ওপৰত আৰোপ কৰা শুল্ক আমেৰিকাৰ জনসাধাৰণৰ বাবে বৰ সুখকৰ নহ’ব।
মঙলবাৰৰ পৰা ৩০ বিলিয়ন কানাডিয়ান ডলাৰৰ সামগ্ৰীৰ ওপৰত শুল্ক আৰোপ কৰা হ’ব। আৰু অহা ২১ দিনৰ ভিতৰত ১২,৫০০ বিলিয়ন কানাডিয়ান ডলাৰৰ আমেৰিকাৰ সামগ্ৰীৰ ওপৰত ২৫ শতাংশ শুল্ক লম।”
কানাডা আৰু মেক্সিকো আমেৰিকাৰ দুটা সৰ্ববৃহৎ বাণিজ্যিক গন্তব্যস্থান। বহুতো গুৰুত্বপূৰ্ণ খনিজ আৰু অন্যান্য সামগ্ৰী শুল্ক অবিহনে আমেৰিকা যুক্তৰাষ্ট্ৰৰ পৰা কানাডালৈ আহি আছে।
ট্ৰুডোৱে সতৰ্ক কৰি দিছে যে অনাগত দিনত সেই সামগ্ৰীবোৰৰ ওপৰত শুল্ক আৰোপ কৰা হ’ব পাৰে। কানাডা আৰু মেক্সিকোৰ উপৰিও, ট্ৰাম্পে চীনা সামগ্ৰীৰ ওপৰত শুল্ক আৰোপ কৰিছে।
শনিবাৰে, তেওঁ মেক্সিকো আৰু কানাডাৰ ওপৰত ২৫ শতাংশ আৰু চীনৰ ওপৰত ১০ শতাংশ শুল্ক ঘোষণা কৰে। অৱশ্যে, আমেৰিকা যুক্তৰাষ্ট্ৰই কানাডাৰ পৰা আমদানি কৰা তেল, প্ৰাকৃতিক গেছ আৰু বিদ্যুতৰ ওপৰত আমেৰিকাই ১০ শতাংশ শুল্ক পৰিশোধ কৰিব বুলি ট্ৰাম্পে জনাই।
তেওঁ সতৰ্ক কৰি দিয়ে যে যদি তিনিওখন দেশে শুল্ক আৰোপ কৰাৰ পাছত কোনো প্ৰতিশোধমূলক পদক্ষেপ লয়, তেন্তে শুল্কৰ পৰিমাণ আৰু বৃদ্ধি কৰিব দিয়া হ’ব।
ট্ৰাম্পৰ ঘোষণাৰ পাছত ট্ৰুডে মেক্সিকান ৰাষ্ট্ৰপতিৰ স’তে কথা পাতে আৰু মেক্সিকোৰ পৰা আমেৰিকান সামগ্ৰীৰ ওপৰত শুল্কও আৰোপ কৰা হৈছে।