বাংলাদেশী যুৱতীক চাকৰিৰ প্ৰলোভন দি ভাৰতলৈ সৰবৰাহ,
তাৰ পাছতে দেহব্যৱসায়ী ! তদন্তত ইডি’ৰ দাবী
বাংলাদেশৰ পৰা যুৱতীসকলক ভাল চাকৰিৰ প্ৰলোভন দি ভাৰতলৈ সৰবৰাহ কৰাৰ অভিযোগ । চোৰাং ব্যৱসায়ৰ বাবে এজেণ্টসকলক প্ৰতিজনত দিয়া হয় প্ৰায় চাৰিৰ পৰা পাঁচ হেজাৰ টকা ।
হায়দৰাবাদৰ দেহ ব্যৱসায়ৰ স’তে জড়িত এক গোচৰৰ তদন্তত এই মন্তব্য এনফৰ্ছমেণ্ট ডাইৰেক্ট ( ইডি) ৰ। কেন্দ্ৰীয় তদন্ত সংস্থাৰ মতে, হায়দৰাবাদস্থিত এই দলটো বাংলাদেশৰ সীমান্তৱৰ্তী পশ্চিম বংগৰ সীমান্তৱৰ্তী অঞ্চলৰ একাংশ দলালক এই উদ্দেশ্য ব্যৱহাৰ কৰিছিল।
বৃহস্পতিবাৰে সন্ধিয়া ইডিয়ে ছ’চিয়েল মিডিয়াত জনাইছে যে এই গোচৰৰ তদন্তত এক লাখ ৯০ হেজাৰ টকাৰ সম্পত্তি জব্দ কৰা হৈছে। পাছত কেন্দ্ৰীয় তদন্ত সংস্থাইও এই গোচৰ সন্দৰ্ভত এক বিবৃতিও প্ৰকাশ কৰে।
আৰক্ষীয়ে হায়দৰাবাদ আৰু ইয়াৰ কাষৰীয়া অঞ্চলত অভিযান চলাই মানৱ সৰবৰাহৰ চক্ৰটোক বিচাৰি উলিয়ায়। অভিযোগ অনুসৰি তাত দেহ ব্যৱসায় চলি আছিল।
বিবৃতিটোত ইডিয়ে জনোৱা মতে, আৰক্ষীৰ তদন্তত এই গেংটো মূলতঃ হায়দৰাবাদত বাংলাদেশীয়ে পৰিচালনা কৰা বুলি জানিব পৰা গৈছে। তেলেংগানা আৰক্ষীয়ে প্ৰথমে দুটা পৃথক এফআইআৰ পঞ্জীয়ন কৰি তদন্ত আৰম্ভ কৰে।
সেই উৎসৰ ভিত্তিত ইডি য়ে আৰ্থিক জালিয়াতিৰ গোচৰত তদন্ত আৰম্ভ কৰে। পাছত ৰাষ্ট্ৰীয় তদন্ত সংস্থাইও এই গোচৰৰ তদন্ত আৰম্ভ কৰে।
ইডিয়ে এক বিবৃতিত কয় যে এনআইএই গোচৰৰ তদন্ত আৰম্ভ কৰাৰ পাছতে বহু লোকক গ্ৰেপ্তাৰ কৰা হৈছে আৰু গ্ৰেপ্তাৰ হোৱাসকলৰ অধিকাংশই বাংলাদেশী।
তেওঁলোকে ভুৱা নথিপত্ৰ ব্যৱহাৰ কৰি ভাৰতত বাস কৰি আছিল বুলিও অভিযোগ কৰা হৈছে। ইডিয়ে বিবৃতিটোত দাবী কৰিছে যে বাংলাদেশৰ পৰা ভাৰতলৈ যুৱতীৰ এই সৰবৰাহৰ চক্ৰটো কেবাবাৰো গ্ৰেপ্তাৰ হোৱাৰ পাছতো সক্ৰিয় হৈ আছিল। ইডিয়ে জনোৱা মতে, এই চক্ৰটোৱে মূলতঃ পশ্চিম বংগ সীমান্তই চোৰাং ব্যৱসায়ৰ বাবে ব্যৱহাৰ কৰিছিল।
টেইলাৰিং দোকান, বিউটি পাৰ্লাৰ, ষ্টীল ফেক্টৰী, ওৱেট্ৰেছিং চাকৰি আদি বিভিন্ন ঠাইত উচ্চ দৰমহা পোৱা চাকৰিৰ প্ৰলোভন দি বাংলাদেশী যুৱতীসকলক হায়দৰাবাদলৈ অনা হৈছিল।
ইতিমধ্যে এন আই এৰ বিশেষ আদালতে এই গোচৰৰ এফ আই আৰত ছয়জন দোষীক যাৱজ্জীৱন কাৰাদণ্ড প্ৰদান কৰিছে।
ইডিৰ তদন্তত প্ৰকাশ পাইছে যে এই চক্ৰৰ লগত কেইবাজনো এজেণ্টো জড়িত আছিল। তেওঁলোকে বিত্তীয় লেনদেনৰ বাবে বেংক একাউণ্ট আৰু ‘অনলাইন ৱালেট’ ব্যৱহাৰ কৰিছিল।
ভাৰত-বাংলাদেশ সীমান্তত সক্ৰিয় হৈ থকা এই দালালসকলে বাংলাদেশী যুৱতীসকলক সৰবৰাহ কৰাৰ বাবে প্ৰতিজন ব্যক্তিৰ বাবে প্ৰায় চাৰিৰ পৰা পাঁচ হেজাৰ টকা পৰিশোধ কৰিছিল।
এই ধন সৰবৰাহৰ লগত জড়িত বিভিন্ন লোকৰ মাজত ভাগ কৰা বুলি দাবী কৰে ইডিয়ে। এক বিবৃতিত তদন্তকাৰী সংস্থাটোৱে জনোৱা মতে, কেতিয়াবা নগদ ধনেও লেনদেন কৰা হৈছিল। ধনৰ লেনদেনৰ ক্ষেত্ৰত তদন্তকাৰী বা বেংক কৰ্তৃপক্ষৰ সন্দেহৰ পৰা হাত সাৰিবলৈ টকাখিনি সামান্য পৰিমাণত ভাগ কৰি প্ৰেৰণ কৰা হৈছিল।
