PM Modi : পহলগামত আক্ৰমণ কৰা ইছলামিক সন্ত্ৰাসবাদীক ৰেহাই দিয়া নহ’ব।পুনৰবাৰ তীব্ৰ সকীয়নি জাৰি কৰিলে প্ৰধানমন্ত্ৰী নৰেন্দ্ৰ মোদীয়ে।
তেওঁ কয় যে,ভাৰত চৰকাৰে সন্ত্ৰাসবাদীক শাস্তি দিবলৈ দৃঢ়প্ৰতিজ্ঞ। প্ৰধানমন্ত্ৰীয়ে ভাৰত-এংগোলা দ্বিপাক্ষিক সংবাদমেলত দিয়া ভাষণতো পহলগামৰ বিষয়টো উত্থাপন হৈছে ।
এংগোলাৰ ৰাষ্ট্ৰপতি জোৱাও লৌৰেঞ্চো বৰ্তমান ভাৰতত আছে। তেওঁৰ কাষত বহি প্ৰধানমন্ত্ৰীয়ে কয়, “সন্ত্ৰাসবাদ হৈছে মানৱতাৰ আটাইতকৈ ডাঙৰ শত্ৰু। আমি সন্ত্ৰাসবাদী আৰু সন্ত্ৰাসবাদক সমৰ্থন কৰাসকলৰ বিৰুদ্ধে কঠোৰ আৰু আদৰ্শগত ব্যৱস্থা গ্ৰহণ কৰিবলৈ প্ৰতিশ্ৰুতিবদ্ধ।”
একে সময়তে পহলগাম আক্ৰমণৰ পাছত ভাৰতৰ কাষত থিয় দিয়াৰ বাবেও প্ৰধানমন্ত্ৰীয়ে এংগোলাৰ ৰাষ্ট্ৰপতিক ধন্যবাদ জ্ঞাপন কৰে।
দৰাচলতে, মোডীয়ে বাৰে বাৰে ইংগিত দিছে যে ভাৰত চৰকাৰে সন্ত্ৰাসবাদৰ বিৰুদ্ধে যুঁজিবলৈ কোনো ধৰণৰ ত্ৰুটি নেৰে । আক্ৰমণৰ দুদিন পাছতে, বিহাৰত এক ৰেলীত তেওঁ দৃঢ়তাৰে কয় যে ভাৰত এনে এখন দেশ নহয় যিয়ে সন্ত্ৰাসবাদক সহ্য কৰিব।
চৰকাৰে উগ্ৰপন্থীসকলক চিনাক্ত কৰি, তেওঁলোকক বিচাৰি উলিয়াব আৰু তেওঁলোকক উচিত শাস্তি প্ৰদান কৰিব ।
প্ৰধানমন্ত্ৰীগৰাকীয়ে কয়,”যিসকলে ভাৰতৰ আত্মাক আঘাত কৰিবলৈ সাহস কৰিছিল তেওঁলোকক এৰি দিয়া নহ’ব।তেওঁলোকে পৃথিৱীত য’তেই লুকাই আছে, তাতেই তেওঁলোকক বিচাৰি হত্যা কৰা হ’ব। ”
কেৱল সেয়াই নহয়, যিসকলে এই সন্ত্ৰাসবাদীসকলক আশ্ৰয় দিয়ে, যিসকলে পিছফালৰ পৰা সহায় কৰে, তেওঁলোকৰ অস্তিত্বৰ যিখিনি বাকী আছে, সেইসকলোকে ধ্বংস কৰা হ’ব।
প্ৰধানমন্ত্ৰীৰ সতৰ্কবাণীৰ পাছত ভাৰতে কেবাটাও পদক্ষেপ গ্ৰহণ কৰিছে।
নতুন দিল্লীয়েও সন্ত্ৰাসবাদক সমৰ্থন কৰাৰ বাবে পাকিস্তানৰ বিৰুদ্ধে কূটনৈতিক পদক্ষেপ গ্ৰহণ কৰিছে। অৱশ্যে, উগ্ৰপন্থীসকলৰ বিৰুদ্ধে বা উগ্ৰপন্থীসকলক সমৰ্থন কৰা পাকিস্তানৰ বিৰুদ্ধে কোনো সামৰিক ব্যৱস্থা লোৱা হোৱা নাই। এই পৰিস্থিতিত প্ৰধানমন্ত্ৰীৰ সতৰ্কবাণী যথেষ্ট গুৰুত্বপূৰ্ণ।
