Tata IPL Match:
আইপিএলৰ ফাইনেলত প্ৰৱেশ ৰয়েল চেলেঞ্জাৰ্ছ বাংগালুৰু ৷ ৯ বছৰৰ পাছত ফাইনেলত প্ৰৱেশ দলটোৰ ৷ পঞ্জাৱৰ ৰাজধানী চণ্ডীগড়ৰ মুলানপুৰৰ পিচিএ ষ্টেডিয়ামত অনুষ্ঠিত হাইভল্টেজ প্ৰথম কোৱালিফায়াৰত ৰয়েল চেলেঞ্জাৰ্ছ বাংগালুৰুৰ হাতত নিজৰ গৃহ খেলপথাৰতে শোচনীয় পৰাস্ত হয় পঞ্জাৱ কিংছৰ ৷
বৃহস্পতিবাৰৰ খেল খনততপ্ৰথমে বেটিং কৰি ১০১ ৰানতে ইনিংছ সামৰিছিল পঞ্জাৱে ৷ ইয়াৰ প্ৰত্যুত্তৰত ১০ অভাৰত ২টা উইকেট হেৰুৱাই সহজ বিজয় সাব্যস্ত কৰে আৰচিবি-এ ৷
আনহাতে শুকুৰবাৰে প্লে-অ’ফৰ দ্বিতীয়খন খেলত মুখামুখি হ’ব মুম্বাই ইণ্ডিয়ানছ আৰু গুজৰাট টাইটানছ ৷ সন্ধিয়া ৭:৩০ বজাৰ পৰা অনুষ্ঠিত হ’ব আইপিএলৰ এলিমিনেটৰ মেচখন ৷
আজিৰ বিজয়ী দলৰ সৈতে প্ৰথমখন কোৱালিফায়াৰৰ পৰাজিত দলে ১ জুনত খেলিব দ্বিতীয়খন কোৱালিফায়াৰ ৷ আনহাতে ৩ জুনত দ্বিতীয়খন কোৱালিফায়াৰৰ বিজয়ী দলৰ সৈতে ফাইনেলত অৱতীৰ্ণ হ’ব ৰয়েল চেলেঞ্জাৰ্ছ বাংগালুৰু ৷