Zubeen Garg:✒️অসমীয়াৰ হৃদয়ৰ টুকুৰা জুবিন গাৰ্গক লৈ বেপাৰ কৰা সাংস্কৃতিক দালাল ‘নর্থ-ইষ্ট ফেষ্টিভেল’ৰ আয়োজক শ্যামকানু মহন্তৰ ঘৃণনীয় স্বৰূপ ওলাই পৰিল। এগৰাকীৰ পাছত আন এগৰাকী শিল্পীয়ে এইজন সাংস্কৃতিক দালালৰ বিৰুদ্ধে চৰিত্ৰহীন আচৰণৰ বিস্ফোৰক অভিযোগ উত্থাপন কৰাৰ সময়তে তেওঁৰ ভতিজী সৃজনী ভাস্ব মহন্তৰ ভাষ্যই উদঙাই দিছে শ্যামকানুৰ তথাকথিত সম্ভ্রান্ত চেহেৰাৰ আঁৰৰ জঘন্য-ভণ্ড চৰিত্ৰ।
ৰাজহুৱাভাবে জুবিনক অসমৰ ৰাজহাড় আৰু আত্মা বুলি অভিহিত কৰা শ্যামকানুৱে ব্যক্তিগতভাবে জুবিনক পণ্য সামগ্ৰীৰূপে ব্যৱহাৰ কৰি আহিছে। এই কথা তেওঁৰ ভতিজীয়ে সামাজিক মাধ্যমত প্রকাশ কৰাৰ পাছত চৌদিশে তীব্র প্রতিক্রিয়াৰ সৃষ্টি হৈছে। সৃজনীয়ে কালি এটা ফেচবুক প’ষ্টত শ্যামকানুক ‘ফেষ্টিভেল মহন্ত’ বুলি তীব্র কটাক্ষ কৰি স্পষ্ট কৰে যে তেজৰ সম্পৰ্কৰ বাহিৰে ‘ফেষ্টিভেল মহন্ত’ৰ লগত তেওঁৰ আন কোনো সম্পর্ক নাই।
মনকৰিবলগীয়া যে উত্তৰ-পূৰ্বাঞ্চলৰ সংস্কৃতিক উজলাই তোলাৰ নামত নর্থ-ইষ্ট ফেস্টিভেল আয়োজন কৰি ধন আত্মসাতৰে ব্যক্তিগত সা-সম্পত্তি গঢ়া শ্যামকানুক বিভিন্নজনে সামাজিক মাধ্যমত ‘ফেষ্টিভেল মহন্ত’ বুলি কয়।
ফেচবুক প’ষ্টত কালি এই ‘ফেষ্টিভেল মহন্ত’ৰ মুখা খুলি দি সৃজনীয়ে লিখিছে, ‘বহু বছৰ আগৰ কথা। এটা ঘৰুৱা পৰিৱেশত জুবিন গাৰ্গৰ বিষয়ে আলোচনা হৈ আছিল। এজনে ক’লে- জুবিনে নিজৰ স্বাস্থ্যৰ যতন নলয়, কিয় যে ইমান মদ খায়! ফেস্টিভেল মহন্তৰ উত্তৰত মই প্রত্যক্ষদর্শী আছিলো- বাদ দিয়া, মোৰ কি আহে-যায়, জুবিন মোৰ কাৰণে মাত্র এটা কম’ডিটা (পণ্য সামগ্রী)। সেই একেটা মানুহে আকৌ শেহতীয়াকৈ কোনো অনুষ্ঠানত কয়, জুবিন তেওঁৰ ৰাজহাড় আৰু জুবিন তেওঁৰ আত্মা। ঘৃণা ওপজে। জুবিনদাৰ জীৱনক লৈ খেলা কৰা প্ৰত্যেকটো প্রাণীয়ে জহন্নামে যাওক। কঠোৰতম তদন্ত আৰু শাস্তি হওক।’
সৃজনীয়ে ফেচবুক প’ষ্টটোত আৰু কয়, ‘জুবিনদা অসমৰ জাতীয় জীৱন আৰু প্রত্যেক অসমীয়াৰ ব্যক্তিগত জীৱনৰ বাবে কি আছিল, কি হৈ ৰ’ব চিৰদিন, তাৰ বিশালতাক কেইটামান শব্দত কেতিয়াও সামৰিব নোৱাৰি, সিৰাই-সিৰাই মাথোঁ অনুভৱহে কৰিব পাৰি। তেওঁৰ কৰ্ম আৰু জীৱনশৈলীৰে এগৰাকী সম্পূর্ণ মানুহ হোৱাৰ অৰ্থ আমাক সকলোকে বুজাই থৈ গ’ল। যোৱা এসপ্তাহ ধৰি মোলৈ ঢেৰ মেছেজ আহি আছে মোক সুধি যে মই কিয় একো এটা লিখা নাই, কোৱা নাই জুবিনদাৰ মৃত্যুক লৈ। আজিও একো নিলিখিলো হয়, কাৰণ সকলো মানুহে নিজ নিজ ধৰণেৰে শোকৰ লগত মোকাবিলা কৰে। কিন্তু কিছুমান কথাৰ কাৰণে লিখিবলৈ বাধ্য হৈছো।’
তেওঁ পুনৰ লিখিছে, ‘মোৰ কামক বা চিন্তাধাৰাক আপোনালোকে যেনেদৰে সমালোচনা কৰে, গালিও পাৰে মাজে মাজে, মোৰ ভাল লাগে, নিজকে সৌভাগ্যশালী বুলি ভাবো। কিন্তু আজিৰ প্ৰেক্ষাপটত শ্যামকানু মহন্ত ওৰফে ফেষ্টিভেল মহন্তৰ কৰ্মকাণ্ডৰ লগত বহুতে মোকো সাঙুৰি লোৱা দেখিবলৈ পাইছো। এইটোহে মোৰ বাবে গ্রহণযোগ্য নহয়। জন্মসূত্রে মই এটা পৰিয়ালৰ সদস্য। তেজৰ সম্পৰ্কৰ বাহিৰে ফেষ্টিভেল মহন্তৰ লগত মোৰ আন কোনো সম্পর্ক নাই। বহুত বছৰ ধৰি কোনো ধৰণৰ কথা-বতৰাও নাই উল্লিখিত ব্যক্তিজনৰ লগত। যিসকল লোকে মোক ব্যক্তিগতভাবে চিনি পায়, তেওঁলোকে জানে আমাৰ মতাদৰ্শ আৰু জীৱন-যাপন কিমান পৃথক। তেওঁ মোৰ বিভিন্ন ৰাজনৈতিক আৰু সাংস্কৃতিক উক্তিৰ বিৰুদ্ধে কে’বাবাৰো সামাজিক মাধ্যমত স্পষ্টীকৰণ লিখি ঘোষণা কৰিছে যে তেওঁ আৰু তেওঁৰ আন ভাইকেইজনৰ লগত মোৰ কোনো সম্পর্ক নাই।’
শ্যামকানুৰ বিৰুদ্ধে অশ্লীল প্রস্তাৱৰ অভিযোগ
ইতিমধ্যে শ্যামকানু ওৰফে ‘ফেস্টিভেল মহন্ত’ৰ বিৰুদ্ধে একাধিক অভিনেত্রী-গায়িকা-মডেলে কাম দিয়াৰ বিনিময়ত অশ্লীল প্রস্তাৱ দিয়াৰ গুৰুতৰ অভিযোগ উত্থাপন কৰিছে। সেয়াও কোনো এলাপেচা, সাধাৰণ অভিনেত্রী নহয়। অসমীয়া ছবি জগতৰ এগৰাকী প্রতিষ্ঠিত অভিনেত্রী নিশিতা গোস্বামীয়ে সামাজিক মাধ্যমযোগে শ্যামকানুৰ বিৰুদ্ধে গুৰুতৰ অভিযোগ উত্থাপন কৰিছে।
তেওঁ কয়, ‘শ্যামকানু মহন্তৰ ওচৰত কাম বিচাৰি গ’লে আমি অকলশৰীয়াকৈ তেওঁৰ ওচৰত শুব লাগিব বুলি দাবী কৰে।’ কালি আন এগৰাকী গায়িকা গীতালী কাকতিয়েও এই বিস্ফোৰক অভিযোগেই কৰিছে। ইয়াৰ পাছত ছ’চিয়েল মিডিয়াত ব্যাপক ৰূপত প্রচাৰিত হৈছে শ্যামকানুৰ স্ক্ৰীণশ্বট। এগৰাকী মডেলে লম্পট শ্যামকানুৰ চৰিত্ৰ উদঙাই দি অভিযোগ কৰে যে নিশা হ’লেই তেওঁ যুৱতী-মহিলালৈ নগ্ন ফটো-ভিডিঅ’ প্ৰেৰণ কৰে। শৰীৰৰ গোপন অংগ দেখুৱাই ভিডিঅ’কলযোগে শ্যামকানুরে অশ্লীল প্রস্তাব দিয়ে। এই দালাল-লম্পট শ্যামকানুৰ বিৰুদ্ধে জাগ্ৰত হৈছে জুবিনৰ অনুৰাগী। যিকোনো প্ৰকাৰে শ্যামকানুক কঠোৰ শাস্তি প্রদান নকৰা পর্যন্ত ৰাইজ ক্ষান্ত নহয় বুলি সকীয়াই দিছে।
ইপিনে, আজিও কোনো অজ্ঞাত স্থানৰ পৰা ‘ফেচবুক লাইভ’ত কুখ্যাত শ্যামকানুরে জুবিন গাৰ্গক ‘বুকুৰ আপোন’, ‘ফিল’ছফাৰ-ফ্রেইণ্ড-গাইড’ বুলি ক’বলৈ চেষ্টা চলায়। ইয়াৰ পূৰ্বে তেওঁ জুবিনক ছিংগাপুৰলৈ আমন্ত্ৰণ কৰা নাছিল বুলি কোরা শ্যামকানুৱে কালি ‘জুবিনক আমন্ত্ৰণ কৰাটো পাপ নাছিল’ বুলি কোৱাটো লক্ষ্যণীয়