ডিজিটেল আন্দোলনে স্পৰ্শ কৰিলে চাৰি মিলিয়ন

প্ৰাণৰ শিল্পী জুবিন গাৰ্গৰ ৰহস্যজনক মৃত্যুৰ ডেৰ মাহ অতিক্ৰম কৰিলে ।বিগত ডেৰ মাহ দিনে নিশাই জুবিন গাৰ্গৰ মৃত্যুৰ সঠিক তদন্ত বিচাৰিছে অনুৰাগীসকলে।

বিগত ১৯ছেপ্টেম্বৰত ছিংগাপুৰৰ পৰা আহিছিল সেই অসহনীয় খবৰ । প্ৰাণৰ শিল্পীগৰাকী মৃত্যুৰ খবৰ বিয়পি পৰাৰ পাছতে সামাজিক মাধ্যমত আৰম্ভ হৈছিল জুবিন গাৰ্গক ৰহস্যজনক মৃত্যুৰ সঠিক তদন্তৰ বাবে- #JusticeForZubeenGarg শীৰ্ষক এক ডিজিটেল আন্দোলনৰ।

বিভিন্ন স্তৰৰ লোকে আহ্বান জনাইছে জুবিনৰ ন্যায় বিচাৰি যাতে সকলোৱে অংশীদাৰ হয় এই আন্দোলনৰ।

অভিনেতা-অভিনেত্ৰী, শিল্পীৰ লগতে বিভিন্ন লোকে অংশগ্ৰহণ কৰিছে এই আন্দোলনত।

লাহে লাহে ডিজিটেলৰ যুগত ডিজিটেলী আৰম্ভ কৰা এই যুঁজখন আগবাঢ়ি আহি চাৰি মিলিয়নত স্পৰ্শ কৰিলে ।

উল্লেখ যে, এতিয়ালৈকে হেছটেগৰ ইতিহাসত কোনেও justice শব্দটো ইমান বৃহত সংখ্যক লোকে ব্যৱহাৰ কৰা নাই। justice শব্দটো ব্যৱহাৰ কৰি লিখা হেছটেগৰ ইতিহাসত প্ৰথমস্থানত আছে #JusticeForZubeenGarg।

স্মৰ্তব্য যে, সামাজিক মাধ্যমত ন্যায় বিচাৰি বিশ্বৰ সবাতোকৈ বৃহত ডিজিটেল আন্দোলনটো হৈছে – #JusticeForZubeenGarg ।