Tripura Firing:
মৌলবাদীয়ে গ্ৰাস কৰি অনা চুবুৰীয়া বাংলাদেশৰ পৰিস্থিতি দিনক দিনে অধিক জটিল হৈছে। হত্যা,হিংসা,সংঘৰ্ষ,মাৰধৰ আদিৰে চৌদিশে অৰাজকতাৰ সৃষ্টি হৈছে দেশখনত ৷ দেশখন সংঘটিত ঘটনাৱলীক লৈ উদ্বিগ্ন ভাৰতে তীক্ষ্ণ দৃষ্টি নিক্ষেপ কৰি ভাৰত- বাংলাদেশ সীমান্তত কটকটীয়া নিৰাপত্তা ব্যৱস্থা গঢ়ি তুলিছে ৷ ইয়াৰ মাজতে ত্ৰিপুৰাৰ ভাৰত-বাংলাদেশ সীমান্তত সংঘটিত হয় এক গুলীয়াগুলী ঘটনা ৷ দুষ্কৃতিকাৰীৰ গুলীত গুৰুতৰভাৱে আহত হয় এজন বিএছএফৰ জোৱান ৷ জোৱানজনৰ নাম বিপিন কুমাৰ। তেওঁ বিএছএফৰ ৯৭ নং বেটেলিয়নৰ জোৱান ৷
ধৰ্মনগৰ মহকুমাৰ মহেশপুৰ সীমান্ত অঞ্চলত কর্তব্যৰত অৱস্থাতে অচিনাক্ত দুষ্কৃতিকাৰীয়ে জোৱানজনলৈ লক্ষ্য কৰি গুলীচালনা কৰে ৷ ইতিমধ্যে সংকটজনক অৱস্থাত জোৱানজনক ততাতৈয়াকৈ ভৰ্তি কৰা হয় চিকিৎসালয়ত ৷ বিএছএফ জোৱানজন গুলীবিদ্ধ হোৱাৰ পিছতে বিএছএফে সমগ্ৰ এলেকাটো ঘেৰাও কৰি অভিযান অব্যাহত ৰাখিছে।
