ওড়িশাৰ জগমোহনপুৰৰ পৰা কলকাতালৈ আনোঁতে ডায়াবেটিছ ৰোগীৰ বাবে ব্যৱহৃত জীৱনদায়ী ইনছুলিন ইনজেকশ্যনৰ এটা বেচ চুৰি হোৱা ঘটনাই চাঞ্চল্য সৃষ্টি কৰিছে। ঘটনাটোৰ পাছতে ভাৰতৰ কেন্দ্ৰীয় ঔষধ মানদণ্ড নিয়ন্ত্ৰণ সংস্থা(Central Drugs Standard Control Organisation)এ সমগ্ৰ দেশতে সতৰ্কতা জাৰি কৰিছে।
ADVERTISEMENT
ড্ৰাগ কন্ট্ৰোলাৰ জেনেৰেল ৰাজীৱ সিং ৰঘুবংশী(Rajeev Singh Raghuvanshiএ জনোৱা মতে, এই ইনজেকশ্যনসমূহ দুইৰ পৰা আঠ ডিগ্ৰী ছেলছিয়াছ তাপমাত্ৰাত সংৰক্ষণ কৰাটো অত্যাৱশ্যক। চুৰিৰ পাছত সঠিক তাপমাত্ৰা বজাই নাথাকিলে ঔষধৰ গুণগত মান নষ্ট হোৱাৰ লগতে ৰোগীৰ স্বাস্থ্যৰ বাবে বিপদজনক হ’ব পাৰে।
এই ঘটনাৰ পাছতে চিকিৎসকসকলক সাৱধানতাৰ স’তে ঔষধ প্ৰদান কৰাৰ লগতে ৰোগীসকলক কেৱল অনুমোদিত ফাৰ্মাচীৰ পৰা ঔষধ ক্ৰয় কৰিবলৈ পৰামৰ্শ দিয়া হৈছে। আৰক্ষীয়ে ঘটনাটোৰ তদন্ত আৰম্ভ কৰিছে।
