Online gaming:✒️অনলাইন গে’ম আজিকালি সকলো বয়সৰ লোকৰ মাজতে জনপ্রিয় হৈছে। অনলাইনত গে’ম খেলি বহুতে দিনটোৰ অনেক সময় ব্যয় কৰে। মনোৰঞ্জনৰ এক জনপ্রিয় মাধ্যমত পৰিণত হৈছে অনলাইন গে’ম। অনলাইনত নানা ধৰণৰ গে’ম খেলিব পাৰি। কিন্তু প্রশ্ন হয়, অনলাইত গে’ম খেলা কিমান সুৰক্ষিত?
অনলাইন গে’মৰ ইতিবাচক দিশ
অনলাইনত গে’ম খেলি মনোৰঞ্জন লাভ কৰাৰ লগতে মানসিক হেঁচা বা ষ্ট্ৰেছ দূৰ কৰিব পাৰি। গে’ম খেলি মানসিক আনন্দ অনুভৱ কৰিব পাৰি।
একাংশ অনলাইন গে’মত মাল্টিপ্লেয়াৰ মুড থাকে। এনে খেলত অংশ ল’লে বিশ্বৰ নানা দেশৰ প্লেয়াৰৰ স’তে জড়িত বা চিনাকি হ’ব পাৰে। ইয়াৰ ফলত অনলাইনত নতুন বন্ধু লাভ কৰাৰ লগতে সামাজিক যোগাযোগৰ পৰিসৰ বৃদ্ধি পায়।
একাংশ অনলাইন গে’ম খেলিলে স্ট্রেটেজী, প্লেন, তাৎক্ষণিক সিদ্ধান্ত গ্রহণৰ ক্ষমতা বা দক্ষতাৰ বিকাশত সহায়ক হয়। এনে গে’মে সমস্যা সমাদানৰ ক্ষমতাও বৃদ্ধি কৰে। মানসিক বিকাশত সহায় কৰে।
অনলাইনত কিছুমান গে’ম খেলি ধন বা আন পুৰস্কাৰো লাভ কৰিব পাৰি।
অনলাইন গে’মৰ নেতিবাচক দিশ
বহুতে অনলাইন গে’মত ঘণ্টাৰ পাছত ঘণ্টা ব্যয় কৰে। অনলাইন গে’মৰ এই আসক্তিয়ে সময় অপব্যয় কৰাৰ লগতে অধ্যয়নত মনোনিবেশ কৰা আৰু আন কামৰ ক্ষতি কৰে।
দীর্ঘ সময় একেৰাহে অনলাইন গে’ম খেলিলে স্বাস্থ্যৰ নানা সমস্যা যেনে চকুৰ ৰোগ, মেদবহুলতা, মানসিক অৱসাদ আদিত আক্রান্ত হ’ব পাৰে। পুষ্টিহীনতাত ভোগাৰো শংকা আছে।
অনলাইন গেমিং প্লেটফর্মত হেকিং, ফিশিং আৰু অন্য
চাইবাৰ অপৰাধৰ শংকা থাকে। ব্যক্তিগত তথ্য চুৰি হ’ব পাৰে আৰু ইয়াৰ অপব্যৱহাৰ হ’ব পাৰে।
অনলাইন গে’মিঙৰ সুৰক্ষাৰ টিপছ
শক্তিশালী পাছৱ’ৰ্ড ব্যৱহাৰ কৰক। নিজৰ গে’মিং একাউণ্টৰ পাছৱ’ৰ্ড সময়ে সময়ে সলনি কৰক আৰু আনৰ স’তে পাছৱ’ৰ্ড শ্বেয়াৰ নকৰিব।
গে’মিং প্লেটফৰ্মৰ প্রাইভেচি ছেটিং ব্যৱহাৰ কৰোতে কেৱল অতি জৰুৰী তথ্যহে দিয়ক। একান্ত ব্যক্তিগত তথ্য নিদিব।
Rush app ৰ দৰে প্রতিষ্ঠিত তথা বিশ্বাসনীয় প্লেটফ’র্মতহে অনলাইন গে’ম খেলা উচিত। কোনো গে’ম ডাউনলোড কৰাৰ পূৰ্বে ইয়াৰ ৰেটিং আৰু বিভিউ পঢ়ি লৈহে সিদ্ধান্ত ল’ব।
অপৰিচিত ই-মেইল, মেছেজ বা লিংকত ক্লিক নকৰিব। এইবোৰে ফিশ্বিঙৰ মাধ্যমেৰে আপোনাৰ তথ্য পাতি একাউণ্টৰ পৰা চুৰি কৰিব পাৰে।
আপোনাৰ কম্পিউটাৰ বা ম’বাইলত এন্টি ভাইৰাছ, এন্টি মেলৱেৰ ছফটৱেৰ ইনষ্টল কৰক আৰু নিয়মীয়াকৈ আপডেট কৰক।
অনলাইন গে’মত চাইবাৰ বুলিঙৰ বিপদ থাকে। এনে প্লেটফর্মত কেতিয়াও কাৰোবাক ভাবুকি বা আপত্তিকৰ মন্তব্য নকৰিব। যদি কোনোবাই আপোনাক অসুবিধা দিছে তেন্তে প্লেটফ’ৰ্মৰ ৰিপটিং ব্যৱস্থাৰ সুবিধা লওক।
অনলাইন গে’মৰ ভাল-বেয়া দুয়োটা দিশেই আছে। সেয়েহে প্রয়োজনীয় সতর্কতা অৱলম্বনবে অনলাইন গে’ম খেলি মানসিক বিনোদন ল’ব পাৰিব। সঠিক পদ্ধতিৰে অনলাইন গে’ম খেলিলে ই আপোনাৰ মানসিক তথা বুদ্ধিমত্তাৰ বিকাশতো সহায় কৰিব পাৰিব। কিন্তু লক্ষ্য ৰাখিব যাতে অনলাইন গে’ম আসক্তিত পৰিণত নহয়, অন্যথা এই অভ্যাসে আপোনাৰ শাৰীৰিক-মানসিক ক্ষতি কৰিব পাৰে।