বেআইনীভাৱে সামুদ্ৰিক প্ৰাণীৰ খাদ্য পৰিবেশন কৰাৰ অভিযোগত বেংককৰ দুখ ৰেস্তোৰাৰ মালিকক ৭২৩ বছৰৰ কাৰাদণ্ডৰ ৰায় প্ৰদান কৰিছে থাইলেণ্ডৰ এখন আদলতে ৷ ৰেস্তোৰাঁ দুখনে গ্ৰাহকৰ বাবে সামুদ্ৰিক প্ৰাণীৰ সুস্বাদু খাদ্য পৰিবেশনৰ বিজ্ঞাপনো প্ৰকাশ কৰিছিল । বিজ্ঞাপনৰ যোগেদি বিক্ৰী বৃদ্ধিৰো চেষ্টা কৰে ৰেস্তোৰাঁ দুখনে।
কিন্তু ইয়াতেই দেখা দিলে সমস্যাৰ ৷ৰেস্তোৰাঁত সামুদ্ৰিক প্ৰাণী ৰখাৰ অভিযোগত গোচৰ ৰজু কৰা হ’ল গ্ৰাহকৰ দ্বাৰা ৷ ফলত বিচাৰ আৰম্ভ হ’ল আদালতত৷ অৱশেষত ৰায়দান কৰিলে আদালতে ৷ ৰেস্তোৰাঁৰ দুয়োজন মালিকৰ বিপৰীতে বিভিন্ন ধাৰাত প্ৰদান কৰা কাৰাদণ্ডৰ শাস্তি মুঠতে হয়গৈ ১৪৪৬ বছৰ । ৰেস্তোৰাঁ দুখনৰ নাম এপিচাৰ্ট বোয়েৰ্নবেনচাক আৰু প্ৰাপাচৰণ ৷ ৰেস্তোৰাঁ দুখনে দিয়া বিজ্ঞাপনৰ পাছত লাভো কৰে যথেষ্ট গ্ৰাহকক ।
কমপক্ষেও ৰেস্তোৰাঁ দুখনত ২০ হেজাৰ গ্ৰাহক উপস্থিত হয় এই বিজ্ঞাপন দেখি ৷ গ্ৰাহকসকলক ১৬ লাখ মাৰ্কিন ডলাৰৰ সামূদ্ৰিক প্ৰাণী বিক্ৰী কৰিবলৈকো সক্ষম হয় ৰেস্তোৰাঁ দুখনে ৷দেশখনত এনেদৰে সামুদ্ৰিক প্ৰাণী তথা সামূদ্ৰিক প্ৰাণীৰ খাদ্য বিক্ৰী কৰাটো আইনগতভাৱে নিষিদ্ধ ৷ একে অভিযোগত ইয়াৰ পূৰ্বেও আন এজন ৰেস্তোৰাঁ মালিককো গ্ৰেপ্তাৰ কৰা হৈছে ।সমগ্ৰ বিষয়টোত বিচাৰৰ সময়ত ন্যায়াধীশে কে’বাবাৰো উষ্মা প্ৰকাশ কৰে ।
উল্লেখ যে থাইলেণ্ডৰ আইন অনুসৰি কোনো অভিযুক্তকে ২০ বছৰৰ অধিক কাৰাবাসৰ শাস্তি প্ৰদান কৰিব নোৱাৰি। নিজে দোষ স্বীকাৰ কৰা অভিযুক্তসকলক জৰিমনাৰ শাস্তি প্ৰদান কৰা হয় ৷ এনে অভিযুক্তক ১৮ লাখ বাট পৰ্যন্ত জৰিমনা কৰা হয়। ৰায়দানত গুচৰীয়াসকলক আদালতে ৬২ লাখ টকাৰ ক্ষতিপূৰণ দিবলৈকো নিৰ্দেশ দিয়ে ।অৱশ্যে থাইলেণ্ডত এনে ধৰণৰ ৰায়দান এয়াই প্ৰথম নহয় ৷ ২০১৭ ত দেশৰ আদালতে প্ৰতাৰণাৰ অভিযোগত এজন লোকক ১৩ হেজাৰ বছৰৰ কাৰাবাসৰ শাস্তি প্ৰদান কৰিছিল ।
