অসম আৰক্ষীত ক’ভিভ-১৯ৰ সন্ত্ৰাস

কৰ’না মহামাৰীৰ সময়ত নিজৰ দায়িত্ব সূচাৰুপে পালন কৰা ৰাজ্যৰ অসম আৰক্ষীৰ ৪৪ জন জোৱান ক’ভিড-১৯ত আক্ৰান্ত হৈছে । আনহাতে কোৱাৰেন্টাইনত আছে ১১২৭ জন ৷ এই কথা টুইটাৰ যোগে সদৰী কৰে অতিৰিক্ত আৰক্ষী সঞ্চালক প্ৰধান জি পি সিঙে । উল্লেখযোগ্য যে ৰাজ্যত ক্ৰমান্বয়ে বৃদ্ধি পাইছে কৰ’নাত আক্ৰান্তৰ সংখ্যা । পুনৰ ৩২৭ জনৰ শৰীৰত পোৱা গৈছে ক’ভিড-১৯ ৷ টুইটাৰ যোগে এই কথা জনালে মন্ত্ৰী ড° হিমন্ত বিশ্ব শৰ্মাই। এই পৰ্যন্ত ৰাজ্যত কৰ’নাত আক্ৰান্ত লোকৰ সংখ্যা হৈছে ৭৪৯২ জন, সুস্থ হৈ উঠিছে ৫০৮৮ জন, চিকিৎসাধীন হৈ আছে ২৩৯০ জন আৰু মৃত্যু হৈছে ১১ জনৰ।