আগন্তুক নিৰ্বাচনৰ কাৰণে সাজু হৈছে বিজেপি ৷ভাৰতীয় জনতা পাৰ্টি সাগৰৰ তলিৰ ঢৌ৷ নিৰ্বাচনৰ আগত বিভিন্ন ৰাজনৈতিক দল আহে ৷ অৰ্থাৎ সেই দলবোৰ সাগৰৰ ওপৰৰ ঢৌৰ দৰে ৷নিমিষতে আহে আৰু নিমিষতে যায়। কিন্তু ভাৰতীয় জনতা পাৰ্টিৰ দল নিৰবিচ্ছিন্ন ভাৱে থাকিব ।
বিৰামহীন কাৰ্যসূচীৰে লক্ষ্য আমাৰ কাৰ্যসূচীত ভাগ লৈ এই মন্তব্য ৰাজ্যিক বিজেপিৰ সভাপতি ৰঞ্জিত কুমাৰ দাসৰ ৷ দাসে লগতে কয় বুথ কমিটি আৰু ৬০০০ শক্তি কেন্দ্ৰৰ আহ্বায়কসকলে লগলাগি ইতিমধ্যে লোকসভাৰ নিৰ্বাচনৰ কাৰণে৷সক্ৰিয়তা প্ৰদৰ্শন কৰিছে ৷
বিৰামহীন কাৰ্যসূচীৰ আধাৰত বুথসমিতি ভেৰিফিকেচন কৰাৰ লগতে নিৰ্বাচনৰ প্ৰস্তুতি চলাবলৈ কাৰ্য নিৰ্বাহক কমিটিসকলক আহ্বানক কৰে বিজেপিৰ সভাপতি ৰঞ্জিত দাসে ৷উল্লেখযোগ্য যে আজি অনুষ্ঠিত বিজেপিৰ বিৰামহীন কাৰ্যসূচীৰে লক্ষ্য আমাৰ নামৰ অনুষ্ঠানত মুখ্যমন্ত্ৰী সৰ্বানন্দ সোনোৱাল,বিত্ত তথা স্বাস্থ্যমন্ত্ৰী ড° হিমন্ত বিশ্ব শৰ্মা,ৰামেশ্বৰ তেলী উপস্থিত আছিল ।আনহাতে গুৱাহাটী চিকিৎসা মহাবিদ্যালয়ত চিকিৎসাধীন হৈ থকা ৰাজ্যিক সম্পাদক তপন গগৈকে আদি কৰি বহু নেতৃ বৰ্গই এই অনুষ্ঠানত ভিডিঅ’ কনফাৰেন্সৰ জৰিয়তে অংশ লয়।