চিৰাঙৰ ঢালিগাঁওত আৰক্ষীৰ ড্ৰাগছ বিৰোধী অভিযান

যোৱা নিশা চিৰাঙৰ ঢালিগাঁওত চিৰাং আৰক্ষীৰ ড্ৰাগছ বিৰোধী অভিযানত ড্ৰাগছ, নগদ ধন সহ গ্ৰেপ্তাৰ এজন লোক । চিৰাং সদৰ অতিৰিক্ত আৰক্ষী অধীক্ষক প্ৰকাশ মেধীৰ নেতৃত্বত চলা অভিযানত ঢালিগাঁওৰ আইঅচি গেটৰ ওচৰৰ পৰা ইয়াচিন আলী (২০) ছাতিপুৰ গাাঁওৰ বাসিন্দা এজনক লোকক গ্ৰেপ্তাৰ কৰে ।

গ্ৰেপ্তাৰ কৰা লোকজনৰ পৰা ৯ টা ড্ৰাগছ ভৰ্তি প্লাষ্টিক কন্টেইনাৰ উদ্ধাৰৰ লগতে নগদ ৫৫৫০ টকা সহ মোবাইল ফোন আৰু এখন চাইকেল জব্দ কৰিবলৈ সক্ষম হয় আৰক্ষীয়ে । গ্ৰেপ্তাৰ লোক জনৰ বিৰুদ্ধে ঢালিগাঁও থানাত ২৩১/২০ নম্বৰ গোচৰ পঞ্জীয়ন কৰিছে আৰক্ষীয়ে ।

আন এটা ড্ৰাগছৰ অনুসন্ধানত বিজনী থানাৰ অন্তৰ্গত কাৱাটিকাত আৰক্ষীয়ে অভিযান চলাই কিছু আপত্তিজনক সামগ্ৰী উদ্ধাৰ কৰে যদিও লোকজনক গ্ৰেপ্তাৰ কৰিব নোৱাৰে । নিশাৰ অন্ধকাৰৰ সুযোগলৈ পলাবলৈ সক্ষম হয় ড্ৰাগছ ব্যৱসায়ীজন । এই সন্দৰ্ভত আৰক্ষীৰ অভিযান অব্যাহত আছে ।