বলিউডৰ অভিনেতা সুশান্ত সিং ৰাজপুতৰ আত্মহত্যা তথা মাদকদ্ৰব্যৰ সৰবৰাহৰ প্ৰসংগত গ্ৰেপ্তাৰ কৰা ৰিয়া চক্ৰৱৰ্তী ৬ অক্টোবৰ পৰ্যন্ত কাৰাগাৰাত থাকিব লাগিব ৷
আজি অভিনেত্ৰী গৰাকীৰ ন্যায়িক জিম্মা শেষ হোৱাত এক ভিডিঅ’ কনফাৰেন্সৰ জৰিয়তে বিশেষ আদালতৰ লগত কথা বতৰা হয় । ইয়াৰ পূৰ্বে ৰিয়াই উচ্চ ন্যায়ালয়ত জামিনৰ কাৰণে আবেদন কৰিছিল । এই সন্দৰ্ভত শুনানি হ’ব বুধবাৰে । বিশেষ আদালতে ৰিয়াৰ জামিন আবেদন দুবাৰ নাকচ কৰিছে ৷
ইপিনে ৰিয়াৰ লগতে তেওঁৰ ভাতৃ সৌভিক চক্ৰৱৰ্তীয়েও উচ্চ ন্যায়ালয়ত জামিনৰ কাৰণে আবেদন কৰিছিল । NCBয়ে ৰিয়াক সুশান্তক মাদকদ্ৰব্য যোগানৰ অভিযোগত ২ দিন সোধপোছৰ অন্তত ৮ ছেপ্টেম্বৰত ৰিয়াক গ্ৰেপ্তাৰ কৰে ৷ বিশেষ ন্যায়ালয়ে সেইদিনাই অভিনেত্ৰী গৰাকীক ২২ছেপ্টেম্বৰলৈকে ন্যায়িক জিম্মাত প্ৰেৰণ কৰে ।
অন্যহাতে মাদক দ্ৰব্য সৰবৰাহত সংযোজন হৈছে দীপিকা পাডুকন আৰু তেওঁৰ মেনেজাৰ কৰিশ্মা প্ৰকাশৰ নাম ৷ দুয়োৰে মাজত ইতিমধ্যে whatsapp বাৰ্তাৰ আদান-প্ৰদান প্ৰকাশ পাইছে ।
এক বিশেষ সূত্ৰৰ মতে দীপিকা পাডুকনত এই সপ্তাহতে NCBয়ে সোধ-পোচ কৰিব পাৰে । ইফালে আজি NCBয়ে আজি ৰিয়াৰ মেনেজাৰ জয়া সাহাক সোধ পোচ কৰিছে । দীপিকাৰ মেনেজাৰ কৰিশ্মা আৰু ৰিয়াৰ মেনেজাৰ জয়া সাহা একেটা মেনেজমেণ্ট কোম্পানীতে কৰ্মৰত ।
আনহাতে NCBয়ে ৰিয়াক কৰা সোধ-পোচৰ সময়ত বলিউডৰ বহু সুন্দৰীৰ নাম প্ৰকাশ পাইছে ৷ ইয়াৰ ভিতৰত ছাৰা আলি খান, শ্ৰদ্ধা কাপুৰ, ৰকুল প্ৰীত সিং আদি উল্লেখযোগ্য । ইতিমধ্যে NCBয়ে মাদকদ্ৰব্য সৰবৰাহ আৰু সেৱনৰ ক্ষেত্ৰত ২০ জন লোকক গ্ৰেপ্তাৰ কৰিছে ৷