পশ্চিম কাৰ্বি আংলঙৰ খেৰণিত ধনদাবীৰ অভিযোগঃ আটক এজন

১০ লাখ টকা ধন দাবীৰ অভিযোগত পশ্চিম কাৰ্বি আংলঙৰ খেৰণিত এজন লোকক আটক কৰা হৈছে ৷ তাজ উদ্দিন নামৰ লোকজনে ফোনযোগে ১০ লাখ টকা দাবী কৰিছিল পথ নিৰ্মাণকাৰী কোম্পানী ভাৰতীয় ইনফ্ৰা প্ৰজেক্ট লিমিটেডৰ নিৰ্মাণ কাৰ্যৰ তদাৰক কেডাৰ বাজাজক ।

আনহাতে তাজ উদ্দিনে নিজকে উগ্ৰপন্থী সংগঠন DHD ৰ সদস্য বুলি পৰিচয় দিছিল । খেৰণি আৰক্ষী চকীৰ ভাৰপ্ৰাপ্ত বিষয়া পৱন কলিতাৰ নেতৃত্বত চলা ১০-১২ দিনীয়া অভিযানৰ অন্তত খেৰণি আৰক্ষীৰ জালত পৰে অভিযুক্ত তাজ উদ্দিন৷ইপিনে তাজ উদ্দিনৰ ঘৰ হোজাই জিলাৰ খাৰিখানা গাঁৱত ৷

অভিযুক্তৰ হাতৰ পৰাই ইতিমধ্যে ধন দাবী কৰা মোবাইল-ছিম উদ্ধাৰ কৰাৰ লগতে তদন্ত অব্যাহত ৰাখিছে আৰক্ষীয়ে । গুৰুত্বপূৰ্ণ যে, ইয়াৰ পূৰ্বেও অভিযুক্তই অনুৰূপ ঘটনা তথা ধনদাবীৰ কাৰ্য কৰি আহিছিল পাহাৰীয়া জিলা পশ্চিম কাৰ্বি আংলঙৰ বিভিন্ন অঞ্চলত ।