প্ৰয়াত হ’ল কংগ্ৰেছ নেতা আৰু ৰাজ্যসভাৰ সাংসদ ৰাজীৱ ছতাব । যোৱা এপ্ৰিলত কৰ’নাত আক্ৰান্ত হৈছিল কংগ্ৰেছ নেতাগৰাকী । আজি পুনেৰ এক বেচৰকাৰী হাস্পতালত তেওঁৰ মৃত্যু হয় । মৃত্যুৰ সময়ত তেওঁৰ বয়স আছিল ৪৬ বছৰ ।
বিগত কিছুদিন ধৰি তেওঁ ভেণ্টিলেছনত আছিল । ক’ভিড সংক্ৰমণৰ ফলত তেওঁ এক বিৰল ৰোগত আক্ৰান্ত হৈছিল বুলি জনায় হাস্পতাল কৰ্তৃপক্ষই । ইয়াৰ পাছতেই তেওঁৰ শাৰীৰিক অৱনতি হ’বলৈ ধৰে ।
দেওবাৰে তেওঁৰ মৃত্যুৰ সংবাদ টুইটাৰত জনায় কংগ্ৰেছ নেতা আৰু মুখপাত্ৰ ৰণদ্বীপ সিং সূৰজেৱালাই । তেওঁ লিখে, ‘আজি এজন এনে সংগীক হেৰুৱালো যিয়ে মোৰ স’তেই ৰাজনৈতিক জীৱনত ভৰি থৈছিল । এই পৰ্যন্ত আমি একেলগেই আছিলো কিন্তু আজি…।’
निशब्द !
आज एक ऐसा साथी खो दिया जिसने सार्वजनिक जीवन का पहला कदम युवा कांग्रेस में मेरे साथ रखा और आज तक साथ चले पर आज…
राजीव सातव की सादगी, बेबाक़ मुस्कराहट, ज़मीनी जुड़ाव, नेत्रत्व और पार्टी से निष्ठा और दोस्ती सदा याद आयेंगी।
अलविदा मेरे दोस्त !
जहाँ रहो, चमकते रहो !!! pic.twitter.com/5N94NggcHu
— Randeep Singh Surjewala (@rssurjewala) May 16, 2021
২০১৪ত তেওঁ লোকসভা নিৰ্বাচনত শিৱসেনাৰ সুভাষ ৱাংখেড়েক পৰাজিত কৰিছিল । ৰণদ্বীপে টুইটাৰত লিখে, ‘ৰাজীৱৰ নেতৃত্ব দিয়াৰ ক্ষমতা, পাৰ্টীৰ প্ৰতি নিষ্ঠা, তেওঁৰ নিৰ্মল হাঁহি আৰু স্বচ্ছ মনৰ কথা মনত পৰি থাকিব । বিদায় বন্ধু । য’তেই থাকা এনেদৰেই পোহৰাই থাকা !!!’
