বৃহৎ অগ্ৰগতি : অসম-নাগালেণ্ডৰ শান্তি চুক্তি স্বাক্ষৰ

মুখ্যমন্ত্ৰী ড° হিমন্ত বিশ্ব শৰ্মাই শনিবাৰে নাগালেণ্ডৰ স’তে ৰাজ্যৰ সীমান্তৰ বিবাদ সমাপ্ত কৰাৰ সিদ্ধান্ত গ্ৰহণ কৰে । তেওঁ জনায় যে সীমান্তৰ পৰা ৰাজ্যৰ সেনাবাহিনী প্ৰত্যাহাৰ কৰাৰ বাবে এটা চুক্তি স্বাক্ষৰ কৰা হৈছে ।

মুখ্যমন্ত্ৰী ড° শৰ্মাই টুইটাৰত লিখে, ‘অসম-নাগালেণ্ডৰ উত্তেজনা হ্ৰাস কৰিবৰ বাবে এক বৃহৎ অগ্ৰগতি । দুয়োখন ৰাজ্যৰ মুখ্যসচিবে শীঘ্ৰে সীমান্তৰ পৰা সেনা প্ৰত্যাহাৰ কৰি, নিজ নিজ বেছ কেম্পত যাবৰ বাবে এটা চুক্তি স্বাক্ষৰ কৰিছে ।’

In a major breakthrough towards de-escalating tensions at Assam-Nagaland border, the two Chief Secretaries have arrived at an understanding to immediately withdraw states' forces from border locations to their respective base camps. 1/2 pic.twitter.com/mFbz1YCnoX

— Himanta Biswa Sarma (Modi Ka Parivar) (@himantabiswa) July 31, 2021

সীমান্তৱৰ্তী জংঘলত তৈয়াৰ কৰা ঘৰবোৰ ভাঙি দিয়া হ’ব বুলিও সিদ্ধান্ত গ্ৰহণ কৰে দুয়ো ৰাজ্য‌ই । সীমান্ত সংলগ্ন অঞ্চলসমূহত যৌথ পহৰাদাৰী কৰিব পাৰিব, কিন্তু ড্ৰ’নৰ জৰিয়তে । অসম বন বিভাগে আগৰ দৰেই নিজস্ব অঞ্চলত দৃষ্টি ৰাখিব ।

অসম আৰু নাগালেণ্ডে ৫১২ বৰ্গকিলোমিটাৰৰ সীমা ভাগ কৰে । ১৯৬৩ত নাগালেণ্ড পৃথক ৰাজ্য হোৱাৰ পাছৰে পৰা দুয়োখন ৰাজ্যৰ সীমা বিবাদ হৈ আহিছে । এই বিবাদৰ নিষ্পত্তি কৰিবৰ বাবেই আজি দুয়োখন ৰাজ্য‌ই শান্তি চুক্তি স্বাক্ষৰ কৰে ।