ইনিংছত ১০টা উইকেট ল’লে অজাজ পেটেলে । তেওঁ বিশ্বৰ তৃতীয় বলাৰ যিয়ে এই কৃতিত্ব অর্জন কৰিলে । জিম লেকাৰ, অনিল কুম্বলেৰ পাছত অজাজে বিপক্ষৰ ইনিংছৰ সকলো উইকেট ল’বলৈ সক্ষম হয় ।
সুদীর্ঘ ২২ বছৰ পাছত ইনিংছত ১০টা উইকেট লোৱাৰ নজিৰ তৈয়াৰ হ’ল । টেষ্ট ক্রিকেটৰ ১৪৪ বছৰৰ ইতিহাসত এয়াই তৃতীয়বাৰ এই ঘটনা সংঘটিত হ’ল । আগৰ দুবাৰত এই নজিৰ গঢ়িছিল সংশ্লিষ্ট বলাৰসকলে দেশৰ ভূমিত । বিদেশৰ মাটিত তেৱেঁই একমাত্র বলাৰ, যিয়ে এই কৃতিত্ব অর্জন কৰিলে ।
ইনিংছত ১০ উইকেট লোৱাৰ প্রথম নজিৰ ইংলেণ্ডৰ জিম লেকাৰৰ । এই অৱ স্পিনাৰজনে ১৯৫৬ ত ইংলেণ্ডৰ মেঞ্চেষ্টাৰ ইনিংছত ১০টা উইকেট লৈছিল । সেইবাৰ বিপক্ষত আছিল ইয়ান জনছনৰ অষ্ট্ৰেলিয়া । দ্বিতীয় ইনিংছত এই কৃতিত্ব অর্জন কৰে তেওঁ । সেই মেচত প্রথম ইনিংছত নটা উইকেট লৈছিল লেকাৰে । অর্থাৎ সেই টেষ্ট মেচত ১৯টা উইকেট লৈছিল তেওঁ ।
Incredible achievement as Ajaz Patel picks up all 10 wickets in the 1st innings of the 2nd Test.
He becomes the third bowler in the history of Test cricket to achieve this feat.#INDvNZ @Paytm pic.twitter.com/5iOsMVEuWq
— BCCI (@BCCI) December 4, 2021
টেষ্ট ইনিংছত ১০টা উইকেট লোৱাৰ দ্বিতীয় ঘটনাটো ঘটিছিল ১৯৯৯ত । দিল্লীৰ ফিৰোজ শ্বাহ কোটলাত এই কৃতিত্ব অর্জন কৰিছিলেন কুম্বলেয়ে । ৱাছিম আক্রমৰ পাকিস্তানৰ বিৰুদ্ধে ইনিংছত ১০টা উইকেট লৈছিল তেওঁ ।
পাছত মুম্বাইত বিৰাট কোহলীৰ ভাৰতৰ বিৰুদ্ধে ইনিংছত ১০টা উইকেট লোৱাৰ নজির গঢ়ে নিউজিলেণ্ডৰ অজাজে । এই পর্যন্ত যি তিনিজনে এই কৃতিত্ব অর্জন কৰিলেন, তেওঁলোক সকলোৱে স্পিনাৰ ।