প্রতিবাদৰ বাবে পিছ হুহুকিলে হেমন্ত ছোৰেন চৰকাৰ । ‘ঝাড়খণ্ড ষ্টাফ ছিলেকছন কমিছন (জেএছএছচি)ৰ পৰীক্ষাত বোকাৰো আৰু ধনবাদ জিলাৰ বাবে জাৰি কৰা অনুমোদিত ভাষাৰ তালিকাৰ পৰা প্ৰত্যাহাৰ কৰা হ’ল ভোজপুৰী আৰু মগহি ভাষা । চৰকাৰী বিজ্ঞপ্তিক লৈ সমগ্ৰ ঝাড়খণ্ডজুৰি প্রতিবাদত পিছ হুহুকিবলৈ বাধ্য হ’ল ছোৰেন চৰকাৰ, ধাৰণা ৰাজ্যখনৰ আদিবাসী আৰু মূলনিবাসীৰ সংগঠনৰ ।
বিগত বৰ্ষৰ ২৩ ডিচেম্বৰত ঝাড়খণ্ড ৰাজ্য চৰকাৰে এটা বিজ্ঞপ্তি জাৰি কৰে । বিজ্ঞপ্তিত কোৱা হয়, জিলাভিত্তিক চৰকাৰী নিয়োগ পৰীক্ষাত অনুমোদিত ভাষাৰ তালিকা । দেখা যায়, ধনবাদ আৰু বোকাৰো জিলাৰ বাবে অন্যান্য আঞ্চলিক ভাষাৰ লগতেই আছে ভোজপুৰী আৰু মগহি ভাষা । তাৰেই প্রতিবাদত গৰজী উঠে ঝাড়খণ্ডৰ আদিবাসী আৰু মূলনিবাসীৰ সংগঠন । সমগ্ৰ ৰাজ্যজুৰি আৰম্ভ হয় বিক্ষোভ আন্দোলন । এই বিষয়ত মুখ্যমন্ত্রী হেমন্ত ছোৰেনৰ নিশ্চুপতা অপমান ।
মূলত প্রতিবাদৰ বাবে পিছ হুহকি যোৱা শুকুৰবাৰে ঝাড়খণ্ড চৰকাৰে আৰু এটা বিজ্ঞপ্তি জাৰি কৰি এই দুই জিলাৰ পৰা ভোজপুৰী আৰু মগহি ভাষা প্রত্যাহাৰৰ নির্দেশনা জাৰি কৰে । নতুন বিজ্ঞপ্তিত অন্তৰ্ভুক্ত কৰা হৈছে, নাগপুৰী, উর্দু, খোর্থা, কুৰ্মালি আৰু বাংলা । ডিচেম্বৰৰ বিজ্ঞপ্তিত এই তালিকাতেই আছিল ভোজপুৰী আৰু মগহি ভাষাও ।
ডিচেম্বৰৰ চৰকাৰী বিজ্ঞপ্তিৰ পাছতেই বিক্ষোভৰ সৃষ্টি হৈছে । ভোজপুৰী আৰু মগহি ভাষাক চৰকাৰী নিয়োগত অনুমোদিত আঞ্চলিক ভাষাৰ তালিকাত ৰাখিলে এয়া আদিবাসী আৰু মূলনিবাসী জনগণৰ ওপৰত জোৰ কৰি ভাষা জাপি দিয়াৰ সমতুল্য হ’ব, এই শ্লোগানেৰে বিশেষকৈ বোকাৰো আৰু ধনবাদ জিলাত বিক্ষোভ আন্দোলন দাৱানলৰ গতিত বিয়পি পৰে । ঝাড়খণ্ডি ভাষা সংঘর্ষ সমিতিৰ আন্দোলনকাৰীসকলৰ দাবী, এই দুই জিলাত ভোজপুৰী আৰু মগহি ভাষা কয়, এনে লোকৰ সংখ্যা নিতান্তই আঙুলিৰ মূৰত গণনা কৰিব পৰা । সেয়ে এই দুই জিলাত চৰকাৰী নিয়োগত এই দুই আঞ্চলিক ভাষা অন্তর্ভুক্ত হ’লে সেয়া আদিবাসী আৰু মূলনিবাসীসকলৰ অধিকাৰত আঘাত হানা হ’ব ।
সংগঠনৰ নেতৃত্বৰ দাবী, বিগত কিছুদিনত তেওঁলোকে অন্তত ৫০টা জনসমাগমত অংশ লৈছে । বিপুল সংখ্যক মানুহৰ সন্মুখত নিজৰ বক্তব্য দাঙি ধৰিছে । অৱশ্যে ৰাজ্যিকভাৱে তেওঁলোক ভোজপুৰী আৰু মগহিৰ বিৰোধী নহয় বুলি জনাইছে সংগঠনৰ অন্যতম সদস্য তীর্থনাথ আকাশে । তেওঁ কয়, ‘‘আমি সামগ্রিকভাৱে এই দুই ভাষাৰ বিৰোধিতা কৰা নাই । লতেহাৰ, গড়ওৱা আৰু পালামৌ জিলাত এই দ্বিভাষিক মানুহৰ সংখ্যা যথেষ্ট । এনে হ’লে কিয় আপত্তি কৰিব ?’’
তেওঁলোকৰ আন্দোলনৰ চাপত পৰিয়ে চৰকাৰে আগৰ বিজ্ঞপ্তি প্রত্যাহাৰ কৰিলে, দাবী কৰিছে আকাশে । চৰকাৰৰ এটা সূত্রত দাবী কৰা হৈছে, ‘আমোলাতান্ত্রৰ ফলত ৰাজ্যত বিক্ষোভে গা কৰি উঠিছে । ভুল সংশোধন কৰা হৈছে ।’
