‘দ্য কাশ্মীৰ ফাইলছ’ ছবিক লৈ এইবাৰ মুখ খুলিলে প্ৰধানমন্ত্ৰী নৰেন্দ্র মোদীয়ে । বক্স অফিচত তুলপাৰ লগোৱা এই ছবি সম্পৰ্কত প্রধানমন্ত্রীৰ বক্তব্য এতিয়া চর্চাত । প্রধামন্ত্রীয়ে এই ছবি চোৱাৰ পাছত কয় ৯০ দশকৰ আৰম্ভণিতে যি ঘটনা উপত্যকাত কাশ্মীৰী পণ্ডিতসকলৰ স’তে ঘটিছে, যিদৰে ভেটি-মাটি এৰিবলগীয়া হয় তেওঁলোকে সেই কথা প্রকাশ্যত অহাতো অনেকেই নিবিচাৰে । বহুদিন সত্যক বাৰে বাৰে দমন কৰি ৰখাৰ চেষ্টা কৰা হৈছে ।
ছবিখনৰ বিশেষ প্রদর্শনত থকাৰ পাছত প্রধানমন্ত্রী মোদীয়ে কয়, ছবিখন ভাল, সকলোৱে চোৱা উচিত । মঙলবাৰে বিজেপি সংসদীয় দলৰ বৈঠকত তেওঁ সদ্য মুক্তিপ্রাপ্ত চলচ্চিত্র, ‘দ্য কাশ্মীৰ ফাইলছ’ চোৱাৰ কথাই ক’লে সকলোকে । তেওঁ কয়, ‘এইখন এখন খুব ভাল ছবি আৰু এই ধৰণৰ কাম আৰু হোৱা প্রয়োজন ।”
দ্য কাশ্মীৰ ফাইলছ চলচ্চিত্ৰক লৈ উত্তপ্ত হৈছে ৰাজনীতি । ছবিখন বিজেপি শাসিত ৰাজ্যসমূহত কৰমুক্ত কৰা হৈছে । বিৰোধীসকলে এই ছবিৰ বিৰুদ্ধে পতাকা তুলি লৈছে । এই বিষয়ে মন্তব্য কৰি প্রধানমন্ত্রী মোদীয়ে কয়, কাশ্মীৰৰ সত্য, যি ছবিখনত দেখুওৱা হৈছে, সেয়া দমন কৰি ৰখাৰ চেষ্টা কৰা হৈছে । এতিয়াও যিসকলে মত প্রকাশৰ স্বাধীনতাক লৈ কথা কয়, তেওঁলোকেই এই ছবি প্রদর্শনৰ বিৰোধিতা কৰিছে ।
এই প্রসংগত প্রধানমন্ত্রীয়ে দেশ বিভাজনৰ পৰা জৰুৰী অৱস্থা, বিভিন্ন প্রসংগ টানি আনে । তেওঁ কয়, ‘মোৰ বক্তব্য কোনো ছবিক লৈ নহয় । দিনক দিনে যেদিৰে সত্যক দমন কৰাৰ প্রয়াস কৰা হৈছে, মই তাৰ বিৰোধিতা কৰিছো ।’
৯০ দশকৰ আৰম্ভণিৰ কথা । সেই সময়ত জম্মু-কাশ্মীৰত সন্ত্ৰাসবাদী কার্যকলাপ ক্রমশ বৃদ্ধি পাইছিল । ভয়াবহ হৈ উঠে উপত্যকাৰ পৰিস্থিতি । ক্রমশ হিংসাৰ ভয়ত ভেটি-মাটি এৰিব লয় শতাধিক কাশ্মীৰি পণ্ডিতসকলে । নিশাৰ ভিতৰতে ঘৰ-বাৰী ত্যাগ কৰি দেশৰ ভিন্ন প্রান্তৰ শৰণার্থী হয় দিন কটায় তেওঁলোকে । সেই ভয়ংকৰ দুর্দশাৰ কাহিনী কৈছে বিবেক অগ্নিহোত্রীৰ ‘দ্য কাশ্মীৰ ফাইলছে’ । এই ছবিয়ে ইতিমধ্যে বক্সঅফিচক প্ৰত্যাহ্বান দিছে । মুক্তিৰ চাৰি দিনৰ ভিতৰতে ‘দ্য কাশ্মীৰ ফাইলছ’-ৰ বক্স অফিচ কালেকছন ৪২.২০ কোটি টকা ।
যোৱা ১১ মার্চত মুক্তি পাইছিল ছবিখনে । মিঠুন চক্রৱর্তী, অনুপম খেৰ, পল্লৱী যোশী, দর্শন কুমাৰ, ভাষা সুম্বালি, চিন্ময় মণ্ডেলেকৰ প্রমুখে ছবিখনত অভিনয় কৰিছে ।
