অসমৰ চুবুৰীয়া ৰাজ্য পশ্চিমবংগৰ কোচবিহাৰত নিশা এজন বাংলাদেশীক গ্ৰেপ্তাৰ কৰে ৰেল সুৰক্ষা বাহিনীয়ে ।
ৰেল সুৰক্ষা বাহিনীৰ এটা দলে আন দিনাৰ দৰে অভিযান চলাই বাংলাদেশীজনক আটক কৰে । নিউ কোচবিহাৰ ৰেল ষ্টেচনৰ পৰা গ্ৰেপ্তাৰ কৰা হয় যুৱকজনক ।
বাংলাদেশী যুৱকজন নামনিমুৱা ব্ৰহ্মপুত্ৰ ৰেল যোগে দিল্লী যাবলৈ নিউ কোচবিহাৰ ৰেল ষ্টেচনৰ জিৰণি কক্ষত ৰেলৰ বাবে অপেক্ষা কৰি থকা অৱস্থাত ৰেল সুৰক্ষা বাহিনীয়ে আটক কৰি সোধা-পোছা কৰাৰ অন্তত জোলোঙাৰ মেকুৰী ওলাই পৰে । ৰেল সুৰক্ষা বাহিনীয়ে যুৱকজনক আটক কৰি জেৰা কৰে যদিও সঠিক উত্তৰ দিব নোৱাৰাৰ বাবে সন্দেহৰ সৃষ্টি হয় । পাছত ভালদৰে জেৰা কৰাৰ অন্তত বাংলাদেশী বুলি নিশ্চিত হয় ।
যুৱকজনৰ হাতত কোনো নথি পত্ৰ নাছিল । কেনেকৈ বংগত প্ৰৱেশ কৰিলে সেই কথাই সন্দেহৰ সৃষ্টি কৰিছে । যুৱকজন বাংলাদেশৰ কমিলা জিলাৰ মাইজচৰ গাঁৱৰ মফাজলৰ পুত্ৰ জুৱেল মিঞা (২৮) বুলি চিনাক্ত কৰা হৈছে । বৰ্তমান ৰেল আৰক্ষীৰ জিম্মাত আছে ।
