দেওবাৰে জম্মুত উপস্থিত হ’ব প্ৰধানমন্ত্ৰী নৰেন্দ্ৰ মোদী । প্ৰধানমন্ত্ৰীৰ ভ্ৰমণৰ দুদিন আগতে জম্মুৰ এটা সেনা শিবিৰৰ ওচৰত নিৰাপত্তাৰক্ষী আৰু উগ্ৰপন্থীৰ মাজত হয় বন্দুক যুদ্ধ ।
সেনাৰ সূত্ৰই জনোৱা অনুসৰি প্ৰাথমিকভাৱে বন্দুক যুদ্ধত এজন চিআইএছএফ জোৱান নিহত হয় আৰু আন চাৰিজন আহত হয়। সূত্ৰটোৱে লগতে জনায় যে সংঘৰ্ষটোত সেনাৰ গুলীত দুজন উগ্ৰপন্থীও নিহত হৈছে।
উগ্ৰপন্থীসকলে জম্মুত আক্ৰমণৰ পৰিকল্পনা কৰি আছিল বুলি আগতেই অনুমান কৰা হৈছিল । ইয়াৰ উপৰিও, আৰক্ষীয়ে তথ্য পাইছিল যে অতি কমেও দুজন উগ্ৰপন্থী চুনজবা অঞ্চলত লুকাই আছে।
একেদৰে, সেনা জোৱানসকলে জম্মু চহৰৰ ছুনজবা কেণ্টনমেণ্ট অঞ্চলত তালাচী অভিযান আৰম্ভ কৰাৰ পাছত লুকাই থকা উগ্ৰপন্থীসকলৰ স’তে সংঘৰ্ষ আৰম্ভ হয়।
অনুসন্ধান অভিযান আৰম্ভ হোৱাৰ পাছতে নিৰাপত্তা বাহিনীক লক্ষ্য কৰি গুলীবৰ্ষণ আৰম্ভ হয়। উগ্ৰপন্থীৰ গুলীচালনাত চিআইএছএফৰ এজন সহকাৰী উপ পৰিদৰ্শক নিহত হয়।
আক্ৰমণটোত চাৰিজন চিআইএছএফ কৰ্মীও আহত হৈছে । উল্লেখযোগ্য যে সেনা আৰু উগ্ৰপন্থীৰ মাজত সংঘৰ্ষ পুৱা ৮.৩০ বজালৈকে অব্যাহত আছিল।
জম্মুৰ অতিৰিক্ত সঞ্চালক প্ৰধান মুকেশ সিঙে কয়, “উগ্ৰপন্থীসকলে লুকাই থকাৰ আৰু আক্ৰমণৰ পৰিকল্পনা কৰি থকা তথ্য পাই আমি বৃহস্পতিবাৰে নিশা অঞ্চলটো ঘেৰাও কৰি তালাচী অভিযান আৰম্ভ কৰিছো। উগ্ৰপন্থীৰ আক্ৰমণত এজন সুৰক্ষা বাহিনীৰ জোৱান নিহত হৈছে আৰু আন চাৰিজন আহত হৈছে। এতিয়াও বন্দুকৰ যুদ্ধ চলি আছে। ”
ইয়াৰ আগতে ২০১৮ চনতো উগ্ৰপন্থীসকলে চানজবা কেণ্টনমেণ্টত আক্ৰমণ কৰিছিল। সেই আক্ৰমণত কেবাজনো সৈনিক নিহত হৈছিল।
২০১৯ চনত জম্মু আৰু কাশ্মীৰৰ বিশেষ মৰ্যাদা বাতিল কৰাৰ পাছত এইটো প্ৰধানমন্ত্ৰীৰ প্ৰথম কাশ্মীৰ ভ্ৰমণ। মোদীয়ে ভ্ৰমণৰ সময়ত পল্লী গাঁৱত পঞ্চায়তসদস্যসকলৰ স’তে এখন ডাঙৰ ৰাজহুৱা সভা সম্বোধন কৰাৰ কথা আছে। কিন্তু তেওঁৰ ভ্ৰমণৰ আগতে, উগ্ৰপন্থীসকলে কঠোৰ নিৰাপত্তা ৰক্ষা ৰখা স্বত্বেও এই আক্ৰমণ চলাইছিল।
