মহাৰাষ্ট্রত মহানাটকৰ মাজতেই কৰ’না আক্রান্ত মুখ্যমন্ত্রী উদ্ধৱ ঠাকৰে । বুধবাৰে তেওঁৰ ৰিপ’র্ট পজিটিভ আহিছে বুলি খবৰ । ইপিনে, আজি কৰ’না আক্রান্ত হৈ হাস্পাতালত চিকিৎসাধীন মহাৰাষ্ট্রৰ ৰাজ্যপাল ভগৎ সিং কোছিয়াৰি ।
প্রায় ৪০ জন শিৱ সেনা বিধায়কৰ ‘বিদ্রোহ’ত মহাৰাষ্ট্রৰ ৰাজনীতি উত্তাল । পৰিস্থিতি নিয়ন্ত্ৰণ কৰিবলৈ আজি বিয়লি কেবিনেট বৈঠকত বহাৰ কথা মুখ্যমন্ত্রী উদ্ধৱ ঠাকৰেৰ । মুখ্যমন্ত্রী পদৰ পৰা পদত্যাগ দিয়াৰ জল্পনা ঠাকৰেৰ । ফলত ৰাজ্যৰ ‘মহা বিকাশ আগাৰি’ চৰকাৰ সম্প্ৰতি চৰম সমস্যাত । এনে পৰিস্থিতিত ঠাকৰে কৰ’না আক্রান্ত হোৱাত শিৱ সেনাৰ সমস্যা কিছু বাঢ়িছে বুলি মত ৰাজনীতিবিদৰ ।
উল্লেখ্যনীয় যে, ২০১৯ত বিধানসভা নির্বাচনৰ পাছত মহাৰাষ্ট্রত ( Maharashtra) বিজেপি ত্যাগ কৰে শিৱ সেনাই । মুখ্যমন্ত্রী পদক লৈ টনা-আজুৰাৰ ফলত দুই হিন্দুত্ববাদী দলৰ বিচ্ছেদে নতুন সমীকৰণ সৃষ্টি কৰে । এনচিপি আৰু কংগ্রেছৰ স’তে জোঁট চৰকাৰ গঠন কৰে শিৱ সেনাই । কিন্তু পৰিস্থিতি জটিল কৰি বিদ্রোহী বিধায়কসকলৰ স’তে গুজৰাটৰ সুৰাতৰ পৰা অসমলৈ আহিছে শিৱসেনা বিধায়ক আৰু মহাৰাষ্ট্রৰ মন্ত্রী একনাথ শিণ্ডে ( Eknath Shinde ) । বুধবাৰে পুৱাই দলবল নিয়ে গুয়াহাটি পৌঁছন একনাথ। গুয়াহাটি বিমানবন্দৰত নামি শিণ্ডে দাবী কৰে, তেওঁৰ স’তে ৪০ জন বিধায়ক আছে ।
কি কৈছে বিদ্রোহী শিণ্ডেয়ে ? তেওঁ কয়, “আমি বালাচাহেব ঠাকৰেৰ শিৱ সেনা ত্যাগ কৰা নাই । নকৰোও । মুঠ ৪০ জন শিৱ সেনা বিধায়ক আছে । আমি বালাচাহেবৰ হিন্দুত্বৰ পথ অনুসৰণ কৰো সেইটোৱে আগুৱাই লৈ যাম ।” কিন্তু তেনেহ’লে তেওঁলোকে কিয় মহাৰাষ্ট্র ত্যাগ কৰি বিজেপি শাসিত অসমত ? এই প্রসংগত শিণ্ডেৰ দাবী, এয়া ভ্ৰমণৰ বাহিৰে একো নহয় ।
