ৰাষ্ট্ৰীয় প্ৰেক্ষাপটত উজ্জলি আপ্পুন পেগুৱে ডান্স ইণ্ডিয়া ডান্সৰ প্ৰথম ৰানাৰ্ছ আপ হৈ অসমলৈ গৌৰৱ কঢ়িয়াই আনিছে ৷ গোগামুখবাসীক গৌৰাৱান্বিত কৰি তুলিলে, যাৰ বাবে গোগামুখৰ দল সংগঠনে আজি উষ্ম আদৰণি জনায় আপ্পুনক ৷
গোগামুখ নগৰত সমদল উলিয়াই আবতানি লত্তাত সন্মান আগবঢ়ায় সংগঠনসমূহে ৷ ধেমাজি জিলাৰ গোগামুখৰ লটাক গাঁৱত ২০১৫ৰ তিনি ফেব্ৰুৱাৰীত জন্মগ্ৰহণ কৰা আপ্পুনে কঠোৰ জীৱনশৈলীৰ মাজেৰে আগবাঢ়িছে ৷
পাৰিবাৰিক কন্দলৰ বাবে পিতৃৰ কাষৰ পৰা আঁতৰত অৱস্থান কৰি পিতৃ-মাতৃৰ মৰম-স্নেহৰ পৰা বঞ্চিত হৈ ককাক পৰমানন্দ পেগু আইতাক চিত্ৰজ্যোতি দলে পেগুৱে তুলি লৈছিল যদিও তাইক লৈ বহু চিন্তিত হৈ পৰিছিল ককাক আইতাক কিয়নো তাই সৰুৰেপৰা হৃদৰোগত আক্ৰন্ত আছিল ৷ ঘৰৰ সা-সম্পত্তি বিক্ৰী কৰি দুই বছৰ চিকিৎসা চলাইছিল যদিও সুস্থ হৈ উঠা নাছিল ৷
অৱশ্যে সেই সময়ৰ বিজিপিৰ স্বাস্থ্যমন্ত্ৰী হিমন্ত বিশ্ব শৰ্মাই আপ্পুনক উন্নত চিকিৎসাৰ বাবে আৰ্থিক সাহায্যৰে সহায়ৰ হাত আগবঢ়াইছিল ৷ ডাক্তৰে তাইক সুস্থ হৈ উঠিবৰ বাবে শাৰীৰিক চৰ্চা কৰিবলৈ পৰামৰ্শ আগবঢ়ায় ৷ ককাকে শৰীৰ চৰ্চাৰ বাবে গোগামুখস্থিত চিজিলাৰ ডান্স একাডেমিত নাম ভৰ্তি কৰাই দিছিল ৷ পৰৱৰ্তী সময়ত আয়ান গিৰি নামৰ এগৰাকী প্ৰশিক্ষকৰ ওচৰত প্ৰশিক্ষণ লৈছিল ৷ প্ৰশিক্ষক আয়ানগিৰি আৰু ককাকে ভাবিছিল তাই এদিন নৃত্য প্ৰতিভাৰে জিলিকি উঠিব ৷ সেই সপোন যেন দিঠকত পৰিণত হ’ল ৷ সম্প্ৰতি ডান্স ইণ্ডিয়া ডান্সৰ লিটিল মাষ্টৰ যোগে গোগামুখ তথা অসমৰ ভোটাতৰা হৈ জিলিকি উঠিল আপ্পুন ৷
