Child Friendly Police Station :
ৰাজ্যত ১৬ খন শিশুবান্ধৱ থানা উদ্বোধন কৰিলে ওড়িছাৰ মুখ্যমন্ত্রী নবীন পট্টনায়কে । তেওঁ জনাইছে, আগন্তুক দিনত ৰাজ্যত আৰু ১৮খন শিশুবান্ধৱ থানা স্থাপন কৰা হ’ব । শিশুসকলে যাতে আৰক্ষীক অভিযোগ দাখিল কৰিবলৈ ভয় নকৰে, তাৰ বাবে এই ধৰণৰ থানা স্থাপন কৰাৰ পৰিকল্পনা কৰা হৈছে ।
ওড়িছা আৰক্ষীৰ বিষয়া ৰেখা লোহানিয়ে কয়, ‘‘ৰাজ্যৰ বিভিন্ন জিলাত ১৬খন এনে থানাই কাম আৰম্ভ কৰিছে । এই থানাবোৰ এনেদৰে তৈয়াৰ কৰা হৈছে, যে শিশুসকলে ভয়ৰ সলনি আনন্দত মাতি উঠিব । ইয়াত খেলা বাস্তুৰ পৰা আৰম্ভ কৰি গ্রন্থাগাৰ, টিভি, বিভিন্ন খেলৰ সামগ্রী মজুত আছে । শিশুসকলে ইয়াত বহু সময় খেলা-ধুলা কৰিও কটাব পাৰিব । শিশুসকলক মাতৃদুগ্ধ পান কৰাবৰ বাবে এখন পৃথক ঘৰ আছে । আমাৰ মূল উদ্দেশ্য, কোনো শিশুৱে যাতে অভিযোগ দাখিল কৰিবলৈ থানাত আহিবলৈ ইতস্তত নকৰে সেয়া নিশ্চিত কৰা ।’’
এডিজি ৰেখাই আৰু জনায়, শিশুবান্ধৱ থানাৰ লগতে ইউনিছেফৰ সহায়তাত এই সম্পর্ক ডেক্সো কাম আৰম্ভ কৰিছে । লিংগবৈষম্যৰ ঘটনাৰ লগতে শিশুসকলৰ যৌন অতিশয্যাৰ ঘটনাতো এই ডেস্কৰ মনোবিদসকলে বিষয়টো পৰ্যবেক্ষণ কৰিব ।
সম্প্ৰতি ওড়িছাৰ ভুৱনেশ্বৰ, জগৎসিংহপুৰ, পদ্মপুৰ, জাজপুৰ ৰ’ড, ঝাড়ছুগদা, নয়াগড়, আছকা, ভবানীপাত্র সদৰ, ৰাইৰংগপুৰ, দেওগড়, ৰৌৰকেল্লা ছেক্টৰ ১৯, ঢেংকানল টাউন, কেওনঝড় টাউনসহ বিভিন্ন স্থানত শিশুবান্ধৱ থানা কাৰ্যক্ষম হৈছে । আগন্তুক দিনত আৰু এনে থানা নিৰ্মাণ কৰা হ’ব বুলিও জনাইছে মুখ্যমন্ত্রীয়ে ।
