Bhupen Bora meets Rahul Gandhi:সাংসদ পদ ঘূৰাই পোৱাৰ পিছতে দিল্লীৰ সংসদ ভৱনৰ সমুখত ৰাহুল গান্ধীক সাক্ষাৎ ভূপেন বৰাৰ

Bhupen Bora meets Rahul Gandhi:

সাংসদ পদ ঘূৰাই পোৱাৰ পিছতে সোমবাৰে সংসদ ভৱনৰ সমুখত ৰাহুল গান্ধীক সাক্ষাৎ কৰি অভিনন্দন জ্ঞাপন অসম প্ৰদেশ কংগ্ৰেছ কমিটিৰ সভাপতি ভূপেন বৰাৰ। বৰাক সংগ দিয়ে সাংসদ গৌৰৱ গগৈ , প্ৰদুৎ বৰদলৈ , আব্দুল খালেক , অজিত ভূঞাৰ লগতে প্ৰণব বৰুৱা আৰু মুকুল হুছেইনে।

ৰাহুল গান্ধীৰ স’তে আটাইকেইগৰাকী নেতাৰে মিলি মহাত্মা গান্ধীৰ প্ৰতিমূৰ্তিত পুষ্পাঞ্জলি অৰ্পণ কৰে ভূপেন বৰা ৷ ইয়াৰ পূৰ্বে সভাপতি বৰাই কংগ্ৰেছৰ প্ৰাক্তন সভাপতি ছোনিয়া গান্ধীকো সাক্ষাৎ কৰি ছোনিয়া গান্ধীক ফুলাম গামোচাৰে সম্বৰ্ধনা জনাই তেখেতৰ সৈতে এক আলোচনাতো মিলিত হয় ।