Defence Minister Rajnath Singh:
দ্ৰুত পৰিৱৰ্তিত আন্তৰ্জাতিক ভূ-ৰাজনৈতিক পৰিস্থিতিৰ প্ৰতি লক্ষ্য ৰাখি ভাৰতীয় বিমান বাহিনীৰ শীর্ষ কমাণ্ডাৰসকলক যিকোনো প্ৰত্যাহ্বানৰ মোকাবিলাৰ বাবে সাজু থাকিবলৈ আহ্বানজনালে প্ৰতিৰক্ষা মন্ত্ৰী ৰাজনাথ সিঙে ৷
ADVERTISEMENT
বায়ু সেনা বাহিনীৰ শীৰ্ষ কমাণ্ডসকলৰ দুদিনীয়া সন্মিলনৰ উদ্বোধনী অনুষ্ঠানত মন্ত্ৰী সিঙে লগতে ভাৰতৰ আকাশ মাৰ্গৰ সুৰক্ষা ব্যৱস্থা অধিক শক্তিশালী কৰাৰ ওপৰত গুৰুত্ব আৰোপ কৰে।
শেহতীয়া অত্যাধুনিক যুদ্ধ সামগ্ৰীৰ স’তে যুজ দিব পৰাকৈ ভাৰতীয় বায়ু সেনা বাহিনীকো সাজু কৰি তোলাৰ দিশত মনোনিৱেশ কৰিবলৈ তেওঁ আহ্বান জনায়।
পৰিৱৰ্তিত পৰিস্থিতিত ভাৰতৰ অৱস্থানৰ বিষয়ে অধ্যয়ন কৰিবলৈকো প্ৰতিৰক্ষা মন্ত্ৰীজনে কমাণ্ডাৰসকলক নির্দেশ দিয়ে।
