APSC Scam CM’s Reaction:
বহুচৰ্চিত অসম লোকসেৱা আয়োগত নিযুক্তি কেলেংকাৰিত অভিযুক্ত ২১ জন ৰাজপত্ৰিত বিষয়াক শুক্ৰবাৰে ৰাজ্য চৰকাৰে নিলম্বন কৰে ৷
উল্লেখ্য যে,অৱসৰপ্ৰাপ্ত ন্যায়াধীশ বিপ্লৱ কুমাৰ শর্মা আয়োগে এপিএছচি নিযুক্তি কেলেংকাৰীত ৩৪ জন ৰাজপত্ৰিত বিষয়াৰ কেতবোৰ ভয়ংকৰ জালিয়াতি কথা উল্লেখ কৰি এক প্ৰতিবেদন দাখিল কৰিছিল চৰকাৰক ৷
এই প্ৰতিবেদনৰ পাছতে ৰাজ্য চৰকাৰে এছআইটিৰ ওপৰত তদন্তৰ দায়িত্ব দিয়ে ৷ ইতিমধ্যে জালিয়াতিৰ অভিযোগ উদ্থাপিত কে’বাজনো বিষয়াক তলৱ কৰিছিল ৷
আনহাতে ন্যায়াধীশ বিপ্লৱ কুমাৰ শর্মা আয়োগে দাখিল কৰা প্ৰতিবেদনৰ ওপৰত ভিত্তি কৰি ২১ জন ৰাজপত্ৰিত বিষয়াক নিলম্বন কৰে চৰকাৰে ৷ আজি ৰাজপত্ৰিত বিষয়াৰ জালিয়াতিৰ সন্দৰ্ভত মুখ খোলে মুখ্যমন্ত্ৰী ডঃ হিমন্ত বিশ্ব শর্মাই ৷
সাংবাদিক আগত মুখ্যমন্ত্ৰীয়ে কয়, অৱসৰপ্ৰাপ্ত ন্যায়াধীশ বিপ্লৱ শর্মাৰ আয়োগে দাখিল কৰা প্ৰতিবেদনত আমি পুংখানুপুংখভাৱে চাই যিসকলে বক্ৰপথৰে অতিৰিক্ত নম্বৰ লাভৰে চাকৰি কৰি আছে ৷ তেওঁলোকক আমি তাৎক্ষণিকভাৱে নিলম্বন কৰিছো ৷
আনহাতে কিছু বিষয়া আছে,যিসকলে এপিএছচি পালেহেঁতেন ৷ গতিকে এনে প্ৰেক্ষাপটত আমি এসকলক এটা বেলেগ শ্ৰেণীত ৰাখি পুনৰ তন্যতন্যকৈ পৰীক্ষা কৰিছো সকলো দিশ । এই পৰীক্ষাত এওঁলোকৰ বিৰুদ্ধে অনুৰূপ জালিয়তী প্ৰমাণ হ’লে অপৰাধমূলক গোচৰ বা আন আইনগত ব্যৱস্থা গ্ৰহণ কৰা হ’ব ৷
মুখ্যমন্ত্ৰীয়ে আৰু কয় যে, ন্যায়াধীশ বিপ্লৱ শর্মাৰ আয়োগৰ প্ৰতিবেদনত ২০১৪ ৰ পূৰ্বৰ ৰাজপত্ৰিত বিষয়াৰ জালিয়াতিৰ নাম যদি সনিবিষ্ট কৰিছে ৷ তেনেহ’লে তেওঁলোকৰ বিৰুদ্ধেও লোৱা হ’ব কাৰ্যব্যৱস্থা ৷ অৱশ্যে উদ্থাপিত বিষয়া সকলৰ তথ্য সমূহ প্ৰমাণ হ’ব লাগিব ফৰেনছিকত ৷
