APSC Scam :
বহুচৰ্চিত এপিএছচি কেলেংকাৰীৰে জড়িত সকলো বিষয়াক নিলম্বন কৰাৰ
প্ৰস্তুতি সম্পূৰ্ণ কৰি তুলিছে দিছপুৰে ৷ ৩৭ জন ৰাজপত্ৰিত বিষয়াক দুই -এদিনৰ ভিতৰক নিলম্বন কৰিব ৰাজ্য চৰকাৰে ৷
উল্লেখ্য যে,এপিএছচি কেলেংকাৰী সন্দৰ্ভত এছ আই টিয়ে তদন্ত কৰাৰ পাছত সকলো তথ্য উন্মোচিত হোৱাত তদন্তকাৰী গোটে নিকা তদন্তৰ খাতিৰত অভিযুক্ত বিষয়া সকলক তৎকালেই নিলম্বন কৰাৰ যাবতীয় প্ৰস্তাৱ প্ৰেৰণ কৰিছিল ৰাজ্য চৰকাৰলৈ ৷
শেহতীয়াকৈ এছ আই টিৰ প্ৰস্তাৱ চৰকাৰে গুৰুত্ব সহকাৰে লৈ সকলো অভিযুক্ত বিষয়াক শীৰ্ঘেই নিলম্বন কৰাৰ যো- জা চলাইছে ৷
সেই অনুসৰি ১৫ জনক তৎকালীনভাৱে কাৰ্যকৰী হোৱাকৈ নিলম্বনৰ নিৰ্দেশনা জাৰি কৰে দিছপুৰে ৷ নিলম্বিত অভিযুক্ত ৰাজপত্ৰিত বিষয়া সকল হ’ল হাইলাকান্দিৰ অতিৰিক্ত আৰক্ষী অধীক্ষক দিপাংকৰ দত্ত লহকৰ ,বঙাইগাঁৱৰ অতিৰিক্তআৰক্ষী অধীক্ষক (ক্ৰাইম বাঞ্চ) নিতুমণি দাস, অসম আৰক্ষী হেডকোৱাৰ্টাৰত কৰ্মৰত অতিৰিক্তআৰক্ষী অধীক্ষক ৰুমী তিমুংপী,দক্ষিণ শালমাৰাৰঅতিৰিক্ত আৰক্ষী অধীক্ষক(মুখ্য কাৰ্যালয়)ফাৰুক আহমেদ,কাছাৰৰ অতিৰিক্ত আৰক্ষী অধীক্ষক (ক্ৰাইম বাঞ্চ)কল্যাণ কুমাৰ দাস,চিএম ভিজিলেঞ্চ শাখাৰ অতিৰিক্ত আৰক্ষী অধীক্ষক কুল প্রদীপ হাজৰিকা,
কাহিলীপাৰাস্থ অসম আৰক্ষীৰ বিশেষ শাখাৰ অতিৰিক্ত আৰক্ষী অধীক্ষক নীলাঞ্জল গগৈ, গুৱাহাটী আৰক্ষী আয়ুক্তালয়ৰ অধীনস্থ মধ্যম আৰক্ষী জিলাৰ অতিৰিক্ত উপায়ুক্ত নন্দিনী কাকতি,ডিমা হাছাওৰ অতিৰিক্ত আৰক্ষী অধীক্ষক( মুখ্য কাৰ্যালয়)অনল জ্যোতি দাস, যোৰহাটৰ অতিৰিক্ত আৰক্ষী অধীক্ষক (ক্ৰাইম বাঞ্চ)শ্বাহজাহান সৰকাৰ,ওদালগুৰিৰ অতিৰিক্ত আৰক্ষী অধীক্ষক ঐশ্বর্য জীৱন বৰুৱা ৷
ইয়াৰ পূৰ্বে চাৰিজন এচিএছ বিষয়াক চৰকাৰে নিলম্বন কৰিছিল ৷ তেওঁলোক হ’ল যোৰহাটৰ এডিচি আকাশী দুৱৰা,ধিঙৰ এডিচি হীতেশ মজুমদাৰ,এচিএছ বিষয়াদ্বয় ধ্ৰুৱজ্যোতি হাতীবৰুৱা আৰু ধীৰাজ কুমাৰ জৈন ৷
উল্লেখ্য যে,ইতিমধ্যে এছ আইচি আই ডি য়ে তলৱ কৰা যোৰহাটৰ এডিচি আকাশী দুৱৰাক মাৰাথন জেৰা অব্যাহত ৰাখিছে বিশেষ তদন্তকাৰী গোটটোৱে ৷ শেহতীয়াকৈ প্ৰাপ্ত খবৰ অনুসৰি আজিয়ে গ্ৰেপ্তাৰ কৰিব পাৰে আকাশী দুৱৰাক ৷
ইপিনে চি আই ডিয়ে তলৱ কৰা এএছচি ধীৰাজ কুমাৰ জৈনো আজি উপস্থিত নহ’ল তদন্তকাৰী গোটৰ সন্মুখত ৷ জানিব পৰা মতে, অসুস্থতাৰ দোহাই দি হাজিৰ নহল ৰাজপত্ৰিত বিষয়াগৰাকী ৷
