Dist Legal Metrology In Nagaon:
নগাঁৱত এক অকামিলা চৰকাৰী বিভাগ হৈছে বৈধ পৰিমাণ বিজ্ঞান বিভাগ। সৰ্বসাধাৰণ ৰাইজৰে সম্পর্কহীনতা, সততে বাইজৰ দৃষ্টিৰ আওতাৰ বাহিৰত থকা হেতুকে নগাঁও জিলাত বৈধ পৰিমাণ বিজ্ঞান বিভাগটোৰ পৰা ৰাইজ কোনো ধৰণে উপকৃত হ’ব পৰা নাই।
নগাঁৱত বিভাগটোৰ সহকাৰী নিয়ন্ত্ৰকৰ কার্যালয় আছে, যত নিয়োগ হৈ আছে এগৰাকী সহকাৰী নিয়ন্ত্রকসহ কে’বাজনো বিষয়া-কর্মচাৰী। তেওঁলোকৰ প্রধান কাম ওজনৰ ক্ষেত্ৰত হেৰফেৰ কৰি গ্রাহক ৰাইজক লুণ্ঠন চলাই অহা ব্যৱসায়ী আৰু ব্যৱসায়িক প্রতিষ্ঠানসমূহক নাকী লগোৱা। কিন্তু বাস্তৱ ক্ষেত্ৰত জিলাখনত এই বিভাগটোৰ কোনো অস্তিত্বই অনুভৱ কৰা নাই গ্রাহক বাইজে।
মাজে সময়ে নগাঁৱকে প্রমুখ্য কৰি জিলাখনৰ কেতবোৰ ঠাইৰ দুই- ব্যবসায়িক প্রতিষ্ঠানত এখন অভিয়ান চলাই দুই-এজন অসাধু ব্যৱসায়িক সামান্য জৰিমনা বিহিয়েই দায়িত্ব সামৰিছে নগাঁৱৰ বৈধ পৰিমাণ বিজ্ঞান বিভাগে। বিভাগটোৰ বিষয়া-কর্মচাৰীসকলৰ দায়িত্বজ্ঞানহীনতাৰ সুযোগ গ্রহণ কৰিয়েই নগাঁৱকে ধৰি জিলাখনৰ বিভিন্ন প্রান্তত কম্পিউটাৰ ‘কাঁটা, ডগা-পাল্লা কৌশলবে ওজনৰ হেবফেৰ কৰি অসাধু ব্যৱসায়ীয়ে জোখ-মাখৰ ক্ষেত্ৰত গ্ৰাহকক লুণ্ঠন চলাই আহিছে।
অথচ এই বিভাগটোৰ পৰিদৰ্শকসকলে জোখ- মাখৰ বিধি আৰু আইন প্ৰৱৰ্তনৰ তদাৰক কৰাৰ লগতে জোখ-মাখ আইন আৰু বিধিসমূহ গ্রাহক ৰাইজৰ উপৰিও ব্যবসায়ীসকলৰ মাজত প্ৰচাৰ চলাব লাগে। জিলাখনৰ দৈনিক, সাপ্তাহিক, অর্ধ-সাপ্তাহিক বজাৰসমূহত প্ৰতি বছৰে জোখ-মাখ সপ্তাহৰ সময়ত সর্ব ভাৰতীয় মেট্রিক পদ্ধতিৰ জোখ মাখৰ সন্দৰ্ভত ব্যাপক প্ৰচাৰৰে ৰাইজক সজাগ আৰু সচেতন কৰি তুলিব লাগে।
কিন্তু কার্যতঃ এইবোৰ কেতিয়াও সঠিকভারে সম্পাদন নকৰে। নগাঁৱৰ বৈধ পৰিমাণ বিজ্ঞান বিভাগৰ সহকাৰী নিয়ন্ত্ৰকৰ কার্যালয়টো বাইজৰ সেৱাত উৎসর্গিত হোৱাৰ বিপৰীতে অসাধু ব্যবসায়ীক ৰক্ষণাবেক্ষণ দিয়াতহে প্রাধান্য দি আহিছে বুলি ৰাইজে সঘনাই অভিযোগ উত্থাপন কৰি আহিছে। নগাঁৱৰ বৈধ পৰিমাণ বিজ্ঞান বিভাগৰ সহকাৰী নিয়ন্ত্ৰকৰ কার্যালয়টোৰ অসাধু ব্যৱসায়ীৰ প্ৰতি থকা দৰদ উন্মোচিত হৈছে।
বিভাগটো বিগত ২০১৭-২০১৮ৰ পৰা ২০২২- ২০২৩ৰ সময়ছোৱাৰ ভিতৰত জিলাখনৰ বিভিন্ন ঠাইৰ ব্যৱসায়ী আৰু ব্যৱসায়িক প্রতিষ্ঠানক জোখ- মাখৰ বিভিন্ন আইন আৰু নিয়ম ভংগ কৰা বাবে তেওঁলোকৰ বিৰুদ্ধে পঞ্জীভুক্ত কৰা গোচৰৰ সংখ্যা, জৰিমনা বিহা ধনৰ পৰিমাণৰ লগতে আইন ভংগকাৰী ব্যৱসায়ীসকলৰ পৰা আপোচ মীমাংসাৰ জৰিয়তে সংগৃহীত মাচুলৰ পৰিমাণেই এই বিষয়টো ফটফটীয়া কৰি তুলিছে।
কিন্তু জিলাখনত জোখ-মাখৰ ক্ষেত্ৰত অজস্র ব্যবসায়ী আৰু ব্যৱসায়িক প্রতিষ্ঠানে প্রতি দিনেই ব্যাপক হাৰত বিভাগীয় নীতি নির্দেশনা ভংগ কৰি আহিছে। জিলাখনৰ নগাঁৱৰ উপৰিও ধিং, ৰূপহী, জুৰীয়া, লাওখোৱা, আমবাগান, নলতলী, পুৰণিগুদাম, চামগুৰি, মিছা, জখলাবন্ধা, ডুমডুমীয়া, বলিকটায়া, জাজৰী, দলংঘাট আদিতো একাংশ অসাধু ব্যৱসায়ীয়ে ব্যাপক হাৰত জোখ-মাখ আইন ভংগ কৰি আছে যদিও সেইবোৰ নগাঁৱৰ জোখ- মাখ বিভাগৰ চকুত নপৰাটো অতি ৰহস্যজনক বিষয়।
স্মর্তব্য যে নগাঁৱকে প্ৰমুখ্য কৰি জিলাখনৰ বিভিন্ন ঠাইত থকা একাংশ পেট্র’ল পাম্পেও গ্রাহকে আদায় দিয়া ধনৰ বিনিময়ত পাবলগীয়া তেল বহু কমকৈ দিয়ে বুলি সুদীর্ঘ দিন ধৰি অভিযোগ উত্থাপিত হৈ আহিছে। তদুপৰি কেতবোৰ পাইকাৰী ব্যৱসায়িক প্রতিষ্ঠান, এফচিআই, ডাঙৰ ডাঙৰ ব্যৱসায়িক প্রতিষ্ঠানেও জোখ-মাখৰ ক্ষেত্ৰত হেৰফেৰ কৰি গ্ৰাহকক লুণ্ঠন চলাই আছে বুলিও প্রায়েই অভিযোগ উঠে। অনুৰূপ ধৰণে তেল-আটাৰ ক্ষেত্ৰতো একাংশ ব্যৱসায়ীয়ে নিৰ্ধাৰিত ওজনতকৈ বহু কমকৈ পেকেট, টিঙত ভৰাই বিক্রী কৰি থকাৰো অভিযোগ উত্থাপিত হৈছে।
এইবোৰৰ ক্ষেত্ৰত নগাঁৱৰ বৈধ পৰিমাণ বিজ্ঞান বিভাগে চকুমুদা কুলিৰ ভাওহে ধৰি অহা পৰিলক্ষিত হৈছে। এই অসাধু ব্যৱসায়ীসকলৰ স’তে বিভাগটোৰ একাংশ কৰ্মচাৰীৰ গোপন বুজা বুজি থকা হেতুকে তেওঁলোকৰ সকলো ‘অনিয়ম দেখিও নেদেখাৰ ভাও ধৰি থাকে দুর্নীতিগ্রস্ত বিষয়া- বিভাগটোবে। কিন্তু ইয়াৰ দুর্ভোগ ভুগিব লগা হয় সর্বসাধাৰণ গ্রাহক ৰাইজে।
নগাঁৱৰ বৈধ পৰিমাণ বিজ্ঞান বিভাগে প্ৰতিটো বছৰতে ব্যৱসায়িক প্ৰতিষ্ঠানসমূহৰ কম্পিউটাৰ কাঁটা, ডগা-পাল্লাৰ নৱীকৰণৰ নামত সংগ্ৰহ কৰা ৰাজহৰ পৰিমাণো তেনেই নগণ্য। বৃহত্তৰ নগাঁও জিলাত হেজাৰ হেজাৰ ব্যৱসায়িক প্রতিষ্ঠান আৰু ব্যৱসায়ী থকাৰ পাছতো ইমান কম পৰিমাণৰ সত্য নিৰূপণ মাচুল সংগ্রহ হোৱাটোও ৰহস্যজনক বিষয় হিচাপে বিবেচিত হৈছে।
ইয়াৰ জৰিয়তে এটা কথাই প্রতিপন্ন হৈছে যে জিলাখনৰ হেজাৰ হেজাৰ ব্যৱসায়িক প্রতিষ্ঠান আৰু ব্যৱসায়ীয়ে নিজৰ ওজন জোখা যন্ত্র, সঁজুলি, ডগা পাল্লাৰ পৰীক্ষা কৰাই নতুনকৈ নৱীকৰণ কৰা নাছিল। জিলাখনৰ মাছ-মঙহৰ দোকান, শাক-পাচলিৰ দোকানসমূহৰ একাংশত অসাধু ব্যৱসায়ীয়ে যি ডগা ব্যৱহাৰ কৰে সেই ডগাত নির্ধাৰিত ওজনতকৈ বহু পৰিমাণে ওজন কম থাকে। সেইসমূহ ডগা হোজাইৰ পৰা সৰবৰাহ হয় বুলিও ৰাইজৰ মুখে মুখে উচ্চাৰিত হৈছে।
ইপিনে, সৰু ডগা নথকাৰ অজুহাত দেখুৱাই শিলগুটিকেই অথবা ইটাৰ টুকুৰাও ডগা হিচাপে ব্যৱহাৰ কৰে জিলাখনৰ একাংশ ব্যৱসায়ীয়ে। কিন্তু এইবোৰলৈ কোনো ভ্রূক্ষেপ নাই নগাঁৱৰ বৈধ পৰিমাণ বিজ্ঞান বিভাগৰ।