Corrupt Officials Akhter Hussain:
ভূমি সংৰক্ষণ বিভাগৰ দুৰ্নীতিৰ সদাগৰ আখতাৰ হুছেইন দুর্নীতিৰ কেলেংকাৰিতো জড়িত। সম্প্রতি প্রকাশ পোৱা এটা কল ৰেকর্ডিঙে সেই কথা উদঙাই দিছে । বৈধ আয়তকৈ দুশ শতাংশৰো অধিক আয়বহির্ভূত সম্পত্তিৰ গৰাকী ভূমি সংৰক্ষণ বিভাগৰ জিলা সংমণ্ডল বিষয়া তথা সঞ্চালকালয়ৰ প্লেনিং বিষয়াৰূপে অতিৰিক্ত দায়িত্বত থকা আখতাৰৰ বিশাল সাম্ৰাজ্যত মঙলবাৰে মুখ্যমন্ত্ৰীৰ তদাৰকী কোষে অভিযান চলোৱাৰ পাছত পুনৰ শেৱালী পথৰ প্রাসাদোপম অট্টালিকাত তালাচী চলোৱাৰ উপৰি শ্ৰীমন্তপুৰস্থিত কাৰ্যালয়ত দুর্নীতিগ্রস্ত বিষয়াজনক তদন্তকাৰী সংস্থাটোৱে জেৰা কৰাৰ সময়তে ভাইৰেল হৈ পৰিছে কে’বাটাও কল ৰেকর্ডিং।
ইয়াৰে এটা’ কল ৰেকর্ডিঙত আখতাৰে এজন উপ-ঠিকাদাৰৰ লগত হোৱা বার্তালাপত ঠিকাদাৰজনক আদায় দিবলগীয়া ধন নিযুক্তিৰ জৰিয়তে পাবলগীয়া উৎকোচৰ জৰিয়তে আদায় দিয়াৰ কথা উল্লেখ কৰিছে। উল্লেখ্য যে ভূমি সংৰক্ষণ বিভাগৰ বটদ্ৰৱাৰ এটা কামত আখতাৰে এজন স্থানীয় ঠিকাদাৰক উপ-ঠিকা প্রদান কৰিছিল।
ওচমান গণি নামৰ ঠিকাদাবজনে সংশ্লিষ্ট কামত ১৭,১০,২০০ টকা খৰচ কৰাৰ পাছত আজিকোপতি সম্পূর্ণ ধনৰাশি আখতাৰে আদায় দিয়া নাই। ২০১৯- ২০২০ আৰু ২০২০-২০২১ বিত্তীয় বৰ্ষত সম্পূৰ্ণ কৰা দুটা কামৰ বাবদ গণিয়ে খৰচ কৰা উল্লিখিত মুঠ ধনৰ ভিতৰত এতিয়াও সাত লাখ ৮৫ হেজাৰ টকা আখতাৰৰ পৰা পাবলৈ আছে।
তেনেস্থলত ঠিকাদাৰজনে আখতাৰৰ ঘৰলৈ প্ৰায় টকা বিচাৰি আছে। এই সংক্রান্তত দুয়োৰে মাজত টেলিফোনিক বার্তালাপ চলি থকাৰ মাজতে ঠিকাদাৰজনৰ কাষতে থকা নগাঁৱৰ কাৰ্যালয়ৰ হাজৰিকা উপাধিব এজন কর্মচাৰীৰ স’তে বার্তালাপ কৰে আখতাৰে। ঠিকাদাৰজনক আখতাৰে কৈছে, ‘ওচমান দুই-তিনি দিনৰ ভিতৰত আহিব লাগিব, মই ডিব্রুগড়ত আছো।
মই এসপ্তাহ ঘৰলৈ নাযাওঁ, কামৰ বহুত হেঁচা।’ তেতিয়া ঠিকাদাৰজনে ‘আমি আপোনাব ঘৰত আহিছো’ বুলি উল্লেখ কবি কাষতে থকা হাজৰিকাক ফোনটো গতাই দিয়ে। হাজৰিকাই প্রশ্ন কৰে, ‘ছাৰ, ভালে আছে?’ তেতিয়া আখতাবে কয়, ‘ডিব্রুগড়, কালি আৰু আজি বন্ধ যদিও কাম কৰিবলগীয়া হৈছে। চাকৰিৰ ইন্টাৰভিউ চলি আছে।
নগাঁৱত ইন্টাৰভিউ পতা নাই নেকি ? মই ইয়াতে ইন্টাৰভিউ পাতিছো বুইচ্ছা। কাইলৈও ইন্টাৰভিউ আৰু আজিও হৈ আছে। যি পইচা পাম, সেয়া তোমালোকক দি দিম। মই এইটো সপ্তাহ যাব নোৱাৰো। এই চাকৰি বিলাক দিহে যাব পাৰিম।’
উল্লেখ্য যে ২০২২ৰ শেষৰ ফালে হোবা এই কথোপকথনত আখতাৰে স্পষ্টভাৱে মন্তব্য কৰিছে যে ইণ্টাৰভিউ পাতিছে, দুটা পইচা পাব। ফলত বিভিন্ন আঁচনিৰ নামত লুটি-পুতি খোৱা আখতাৰ এণ্ড কোম্পানীয়ে চাকৰিব নামতো যে এখন বৃহৎ বজাৰ গঢ়ি তুলিছিল সেয়া স্পষ্ট হৈ পৰিছে। আৰক্ষীৰ তদন্তত এই সকলোবোৰ পোহৰলৈ আহিব বুলি সচেতন মহলৰ আশা।
ইফালে, মুখ্যমন্ত্রীৰ বিশেষ তদাৰকী কোষে কোনো অভিযান চলালে আগতীয়াকৈ কোনেও ভূকে নাপায় বুলি বিভিন্নজনে দাবী কৰিব খোজে যদিও এমাহৰ আগতে গোচৰৰ সবিশেষ তথ্য লৈ গ্রেপ্তাৰৰ পৰা হাত সাৰিবলৈ আগতীয়া জামিন আবেদন কৰিছিল আখতাৰে।
যিটো গোচৰৰ ভিত্তিত মঙলবাৰে মুখ্যমন্ত্ৰীৰ বিশেষ তদাৰকী কোষে আখতাৰৰ বিভিন্ন স্থানত থকা সম্পত্তি তালাচী চলাইছিল, সেই দুর্নীতি প্রতিৰোধ আইনৰ ১৩ (১) (বি)/১৩ (২) ধাৰাত ৰজু হোৱা ০৬/২০২৩ নম্বৰ গোচৰত যোৱা ২১ নৱেম্বৰতে উচ্চ ন্যায়ালয়ৰ পবা অগ্রিম জামিন লাভ কৰিছিল আখতাৰে।
ফলত মঙলবাৰে মুখ্যমন্ত্রীৰ বিশেষ তদাবন্ধী কোষে দুশ শতাংশতকৈ অধিক আয়বহির্ভূত সম্পত্তিৰ সন্দৰ্ভত আখতাৰক দিনজোৰা জেৰা চলাই যাবলৈ দিয়ে। দুর্নীতিগ্রস্ত বিষয়াজনক পুনৰ জেৰা কৰাৰ সম্ভাৱনা আছে।
উল্লেখ্য যে ২০২১ৰ বিধানসভা নিৰ্বাচনত কংগ্ৰেছৰ পৰা গোৱালপাৰা সমষ্টিৰ বাবে প্রার্থিত্ব আবেদন কৰা আখতাৰে ২০২৫ত অৱসৰ গ্ৰহণ কৰিব আৰু ২০২৬ত নির্বাচনত প্রতিদ্বন্দ্বিতাৰ লক্ষ্যৰে ধন বিনিয়োগ কৰি অহাৰ অভিযোগ আছে।
সম্প্রতি তদন্তকাৰী আৰক্ষীয়ে দুর্নীতিগ্রস্ত বিষয়াজনৰ বেংকৰ তথ্যৰ পৰা বহু কোটি টকাৰ ধনব লেনদেনৰ লাভ কৰিছে। সমান্তৰালভাৱে বিষয়াজনৰ বেংকত থকা লকাৰৰ তথ্যৰ সন্দৰ্ভত তদন্ত অব্যাহত ৰাখিছে তদাৰকী কোষে। আয়তকৈ দুশ শতাংশবো অধিক সম্পত্তিব গৰাকী আখতাৰে সংশ্লিষ্ট বিভাগৰ শীৰ্ষ বিষয়াক হাতৰ মুঠিত ৰাখি আত্মসাৎ কৰা ধনসমূহ মাটি-বাবী ক্রয়ত বিনিয়োগ কৰি আহিছিল বুলিও তদন্তকাৰী আৰক্ষীয়ে সদৰী কৰিছে।
ইপিনে, মুখ্যমন্ত্ৰীৰ বিশেষ তদাৰকী কোষে আখতাৰৰ সাম্ৰাজ্যত তালাচী আৰম্ভ কৰাৰ পাছতে দিছপুৰৰ এটা চক্রই দুর্নীতিগ্রস্ত বিষয়াজনক ৰক্ষণাবেক্ষণ দিবলৈ তৎপৰতা অব্যাহত ৰাখিছে। বিশেষকৈ আখতাৰ যে এজন জ্যেষ্ঠ আইপিএছ বিষয়াৰ অতি ঘনিষ্ঠ আছিল, সেয়া সংশ্লিষ্ট সঞ্চালকালয়ব সর্বজনবিদিত।
ভূমি সংৰক্ষণ বিভাগৰ একাংশ বিষয়া- কর্মচাবীয়ে আনকি অভিযান চলিলেও প্রভাবশালী বিষয়াজন যে গ্রেপ্তাৰ হ’ব পাৰে এই কথা কোনেও মানি ল’ব
নোখোজে। কিয়নো দিছপুৰৰ শীৰ্ষ বিষয়াক লাভ কৰা অভিযোগ দিবলৈ যাওঁতেই স্বয়ং সঞ্চালকালয়ৰ শীৰ্ষ বিষয়াক আখতাৰে মুকলিকৈ ককৰ্থনা কৰিছিল। ফলত সান্দহ খোৱা বালি তল পৰাৰ ভয়তে দিছপুৰৰ এটা চক্রই আখতাৰক ৰক্ষণাবেক্ষণৰ চেষ্টা অব্যাহত ৰখাৰ অভিযোগ উঠিছে।
আনহাতে, এজন দুর্নীতিগ্রস্ত বিষয়াৰ বিৰুদ্ধে দীর্ঘদিনৰ পৰা দুর্নীতিৰ অভিযোগ লাভ কৰিও আজি পর্যন্ত বিষয়াজনক গ্রেপ্তাৰ নকৰাৰ বিষয়টোৱেও তেওঁ যে কিমান প্রভাবশালী সেয়া প্রতিপন্ন কৰে। ইয়াৰ ফলতে আখতাৰে চাকৰিৰ বেহাকে ধৰি বিভিন্ন দুর্নীতি সংঘটিত কৰি অহাৰ পাছতো আগতীয়াকৈ গোচৰৰ তথ্য লাভ কৰি অগ্রিম জামিন লাভ কৰিবলৈ সক্ষম হ’ল ।
