Gmc Mayor Pressmeet In Guwahati:
গুৱাহাটী পৌৰ নিগমৰ মেয়ৰ মৃগেন শৰণীয়াই সোমবাৰে উজান বজাৰস্থিত জিএমচি কাৰ্যালয়ত এক সংবাদমেল সম্বোধন কৰি কেতবোৰ গুৰুত্বপূৰ্ণ বিষয় সদৰি কৰে ৷
সেই অনুসৰি মহানগৰীৰ বিভিন্ন ৱাৰ্ডত চলি থকা হাউচ নম্বৰ জৰীপৰ বিষয়ে ঘোষণা কৰি কয়, জিএমচিৰ অনুমোদিত সেৱা প্ৰদানকাৰী অৰ্থাৎ জিঅ’ ভিষ্টাই কৰিছে যাৰ বাবে বাসিন্দাসকলে কোনো ইউজাৰ চাৰ্জ দিয়াৰ প্ৰয়োজন নাই।
একেদৰে মহানগৰ অন্তৰ্গত পথ – উপ- পথ সমূহ পৰিষ্কাৰ কৰাত গুৰুত্ব আৰোপ কৰি চলি থকা গুৱাহাটী স্বচ্ছতা অভিযানৰ বিষয়েও উল্লেখ কৰি মেয়ৰ গৰাকীয়ে আৰু কয়,এই ক্ষেত্ৰত নাগৰিকৰ পৰা বহুমূলীয়া মতামত আশা কৰি নাগৰিক সকলক পূৰ্ণ সমৰ্থন আগবঢ়াবলৈও আহ্বান জনায় যাতে নিগমে স্বচ্ছ সুৰক্ষাত উন্নত প্ৰদৰ্শন কৰিব পাৰে।
আনহাতে ভৰলু নদী পৰিষ্কাৰ কৰাৰ লগতে মহানগৰ এলেকাৰ ভিতৰত বায়ু প্ৰদূষণৰ সমাধানৰ বাবেও নিগমে পদক্ষেপ গ্ৰহণ কৰিছে। নিগমে ছুইপিং মেচিন, পানী ক্ৰয় কৰিছে এই ক্ষেত্ৰত স্প্ৰিংকলাৰ, ইভি জাবৰ বাহন।
মৃগেন শৰণীয়াই কয়,সম্পত্তিৰ পুনৰ মূল্যায়নৰ বাবে এতিয়াৰ পৰা বাসিন্দাসকলে নিজাববীয়াকৈ জিএমচিৰ ৱেবছাইটত কৰিব পাৰিব। বাসিন্দাসকলক সময়মতে সম্পত্তি কৰ পৰিশোধ আৰু চহৰখনত বিভিন্ন ব্যৱসায় চলাই থকা প্ৰতিষ্ঠানৰ গৰাকী সকলক অচিৰেই বাণিজ্যিক অনুজ্ঞাপত্ৰ নবীকৰণৰ বাবে আহ্বান জনাই ৷ ইয়াৰ বাবে জিএমচি ৱেবছাইটত হোল্ডিং নম্বৰ আৰু ট্ৰেড লাইচেন্সৰ তৎক্ষণাত কৰাৰ ব্যৱস্থা কৰিছে ৷ আনহাতে বাসিন্দা সকলে ঘৰতে কৰ পৰিষোধ কৰিব পৰাকৈ জিএমচিয়ে কৰ সংগ্ৰাহক আৰু পৌৰ সখীকো কৰ সংগ্ৰহৰ বাবে নিয়োগ কৰিছে।
সংবাদমেল খনত মেয়ৰ গৰাকীয়ে আৰু উল্লেখ কৰে যে,চলিত বৰ্ষত নিগমে ইতিমধ্যে পথ, নলা, ৰাজহুৱা শৌচাগাৰ, কমিউনিটি হল, শ্মশান খেলপথাৰ আদি নিৰ্মাণ কৰিছে। তদুপৰি প্ৰায় ১১০০০ টা ষ্ট্ৰীট লাইটসমূহ কাৰ্যক্ষম কৰি তোলা হৈছে যাতে মহানগৰীৰৰ ষ্ট্ৰীটসমূহ পোহৰ হয় ৷অচিৰেই ১০০০০ টা নতুন ষ্ট্ৰীট লাইট কাৰ্যক্ষম কৰাৰ বাবে ব্যৱস্থা কৰা হ’ব ।
জিএমচিয়ে গণেশগুৰি, উলুবাৰী আৰু বেলতলাত তিনি খন বৃহৎ বজাৰ নিৰ্মাণ কৰাৰ লগতে আন কে’বাটাওস্থানত কেইখনমান নতুন বজাৰ নিৰ্মাণৰ পৰিকল্পনা কৰিছে। ষ্ট্ৰীট ভেণ্ডৰৰ সন্দৰ্ভত সাংবাদিক সোধা এক প্ৰশ্নত্তোৰত মেয়ৰ গৰাকীয়ে কয়, মহানগৰীত ইতিমধ্যেই ১৭টা ভেণ্ডিং জ’ন ঘোষণা কৰা হৈছে।
গণেশগুৰি চ’কৰ পুনৰ উন্নয়নৰ বাবেও নিগমে ধন আগবঢ়াইছে আৰু শ্মশানৰ বাবে ব্ৰিকেটৰ লগতে বিনামূলীয়া মৰ্চাৰী ভ্যান সেৱা অৰ্থাৎ স্বৰ্গৰথ আৰম্ভ কৰিছে। কৃত্ৰিম বানৰ প্ৰত্যাহ্বানসমূহ মোকাবিলা কৰিবলৈ নিগমে অহৰহ চেষ্টা কৰি আছে। মিছন ফ্লাড ফ্ৰীৰ অধীনত জিএমচিয়ে প্ৰায় ৪০০ টা নলা আৰু ৫ খন নদী পৰিষ্কাৰ কৰিব। ইয়াৰ উপৰিও মূল পথত ডি-চিল্টিঙৰ বাবে ছুপাৰ ছাকাৰছক নিয়োগ কৰিছে।
আন অতি কম সংখ্যক পৌৰসভাৰ লগতে জিএমচিক CITIS 2.0 INITIATIVE ৰ অধীনত ১৫০ কোটি টকা লাভ কৰা হৈছে। যিহেতু জিএমচিয়ে গুৱাহাটী জল ব’ৰ্ডৰ পানী যোগান সংযোগৰ সুবিধা লাভ কৰাত ৭০০০ টকাৰ ৰাজসাহায্য প্ৰদান কৰিছে কেৱল ইয়াৰ বৰ্তমানৰ গ্ৰাহক আৰু ৰেচন কাৰ্ডধাৰীক। প্ৰ-পত্ৰখন সকলো ৱাৰ্ড কাউন্সিলাৰৰ হাতত উপলব্ধ কৰা হৈছে বুলি সংবাদমেলত সদৰি কৰে মেয়ৰ মৃগেন শৰণীয়াই ৷ সংবাদমেলত উপ- মেয়ৰ আৰু আয়ুক্তও উপস্থিত থাকে ৷