Home Remedies for Menstrual Problems:
অনিয়মিত ঋতুস্ৰাৱৰ সমস্যা যিকোনো মহিলাৰ মাজতে দেখা যায়। বিশেষকৈ অবিবাহিতাসকলক এই সমস্যাই বেছিকৈ ভোগায়। অনিয়মিত ঋতুস্ৰাৱৰ কাৰণে সন্তান ধাৰণৰ সমস্যাকে ধৰি নানা ধৰণৰ শাৰীৰিক সমস্যাই জৰ্জৰিত কৰিব পাৰে। অৱশ্যে ইয়াৰ ঘৰুৱা প্ৰতিকাৰো আছে। যিকোনো এটা উপায় কমেও এমাহলৈ মানি চলিলেই অনিয়মিত ঋতুস্ৰাৱৰ সমস্যা চিৰকাললৈ দূৰ হ’ব।
🔷 প্ৰথম প্ৰতিকাৰ
ঋতুস্ৰাৱ নিয়মিত কৰাৰ বাবে অতি কার্যকৰী উপাদান হৈছে দালচিনি। এই দালচিনি ব্যৱহাৰ কৰি অনিয়মিত ঋতুস্ৰাৱৰ পৰা চিৰকাললৈ মুক্তি পোৱাৰ সমান্তৰালকৈ ঋতুকালীন যন্ত্ৰণাৰ পৰাও ৰেহাই পোৱা যায়। এগিলাচ গাখীৰক আধা চামুচ দালচিনিৰ গুড়ি মিহলাব। লগত মৌও দিব পাৰে। এই মিশ্ৰণটো নিয়মিতৰূপে চাৰিৰ পৰা পাঁচ সপ্তাহলৈ পান কৰিব। দেখিব অনিয়মিত ঋতুস্ৰাৱৰ সমস্যা দূৰ হৈছে। ইয়াৰ উপৰি দালচিনিৰ চাহ বা প্রতিদিনে এটুকুৰা দালচিনি চোবাই খালেও উপকাৰ পাব।
🔷 দ্বিতীয় প্ৰতিকাৰ
বহুগুণসম্পন্ন আদাই চর্দি-কাহৰ সমস্যাৰ পৰা মানুহক সকাহ দিয়ে বুলি আমি জানো। লগতে ঋতুস্ৰাৱৰ সমস্যাৰ পৰা মুক্তি দিয়াৰ ক্ষেত্ৰতো আদা বিকল্পহীন। একাপ পানীত মিহিকৈ কুটি লোৱা এচামুচ আদা দি চাৰি-পাঁচ মিনিট সময় উতলাওক। লগত সামান্য চেনি বা মৌ মিহলাই লওক। এই পানীয় খাদ্য গ্ৰহণৰ পাছত দিনে তিনিবাৰকৈ পান কৰিব। এই মিশ্রণ এমাহ নিয়মিতৰূপে পান কৰিলে অনিয়মিত ঋতুস্ৰাৱৰ সমস্যা সহজে দূৰ হ’ব।
