Union Budget 2025: ১.৭ কোটি কৃষকৰ বাবে ধনধান্য কৃষি যোজনা ঘোষণা
ADVERTISEMENT
- বাজেটত কৃষি, মহিলা আৰু যুৱক-যুৱতীক অধিক গুৰুত্ব দিয়া হ’ব। ভাষণৰ আৰম্ভণিতে কয় বিত্তমন্ত্ৰী নিৰ্মলা সীতাৰমণে। কৃষিৰ স’তে বাজেট ভাষণো আৰম্ভ কৰে।
- স্বাভাৱিকতে, প্ৰত্যাশা বৃদ্ধি পাইছে । হয়তো কৃষি খণ্ডত এটা ডাঙৰ ঘোষণা হ’ব। বিত্ত মন্ত্ৰীয়ে এটা ডাঙৰ ঘোষণা কৰিছে, কিন্তু ই সাধাৰণ কৃষকসকলৰ মুখত কিমান হাঁহি আনিব সেয়া সন্দেহজনক।
- প্ৰধানমন্ত্ৰী ধনধান্য কৃষি যোজনা নিৰ্মলা সীতাৰমণৰ বাজেটত কৃষকসকলৰ বাবে আটাইতকৈ ডাঙৰ ঘোষণা। বিত্ত মন্ত্ৰীয়ে জনাই যে ১০০ খন জিলাৰ ১.৭ কোটি কৃষক এই আঁচনিৰ দ্বাৰা লাভান্বিত হ’ব।
- কেন্দ্ৰই এই ১০০ খন জিলাত কৃষিৰ বিকাশৰ বাবে ৰাজ্য চৰকাৰৰ স’তে কাম কৰিব। সীতাৰমণে বৰ্ণনা কৰে যে এনে ধৰণৰ মুঠ ১০০ খন জিলা চিনাক্ত কৰা হ’ব য’ত উৎপাদনৰ হাৰ কম।
- এই জিলাবোৰৰ পাৰিপাৰ্শ্বিক পৰিস্থিতিৰ ওপৰত নিৰ্ভৰ কৰি, বিভিন্ন শস্য চিনাক্ত কৰা হ’ব। কৃষকসকলক প্ৰশিক্ষণ দিয়া হ’ব। শস্য বিক্ৰী কৰাৰ ব্যৱস্থা কৰা হ’ব। এই জিলাসমূহতো প্ৰক্ৰিয়াকৰণ কৰা হ’ব।
- বিত্ত মন্ত্ৰীয়ে দাবী কৰে যে আঁচনিখনে ১.৭ কোটি কৃষকৰ জীৱন সলনি কৰিব।
- ইয়াৰ উপৰিও, কৃষি খণ্ডৰ অন্যান্য ঘোষণাত, কিষাণ ক্ৰেডিট কাৰ্ডৰ বাবে সৰ্বাধিক ঋণৰ সীমা তিনি লাখ টকাৰ পৰা পাঁচ লাখ টকালৈ বৃদ্ধি কৰা হৈছে।
- দুগ্ধজাত আৰু মীন পালন উদ্যোগসমূহৰ বাবে পাঁচ লাখ টকালৈকে ঋণ দিয়া হ’ব। বিত্ত মন্ত্ৰীয়ে কপাহ খেতিয়কসকলৰ বাবে এটা পৃথক কপাহ উৎপাদন অভিযান আৰু মাছমৰীয়াসকলৰ বাবে এক বিশেষ অৰ্থনৈতিক ক্ষেত্ৰৰ কথাও ঘোষণা কৰে।
- প্ৰত্যাশিতভাৱে, নিৰ্মলাই নিৰ্বাচনমুখী বিহাৰৰ প্ৰতি অতিৰিক্ত মনোযোগ দিছে। বিহাৰৰ বাবে এখন পৃথক মাখনা বোৰ্ড ঘোষণা কৰা হৈছে। দীৰ্ঘদিন ধৰি কিষাণ সন্মান নিধি বৃদ্ধি কৰাৰ দাবী চলি আহিছে। কিন্তু বাজেটত তেনে কোনো ঘোষণা নাই। কৃষিক্ষেত্ৰত নিম্নতম সমৰ্থন মূল্য বা এমএছপিৰ আইনী গেৰাণ্টিদাবী কৰি দীৰ্ঘদিনধৰি আন্দোলন চলি আহিছে।
- সাৰ আৰু কীটনাশকৰ ওপৰত ৰাজসাহায্য বৃদ্ধি কৰাৰ বাবে দীৰ্ঘদিনধৰি দাবী কৰি আহিছে। কিন্তু নিৰ্মলাৰ বাজেটত তেনে কোনো ঘোষণা নাই।
