C-295 Aircraft fof IAF:
প্ৰকৃত নিয়ন্ত্ৰণ ৰেখাৰে লাডাখ, ছিকিম বা অৰুণাচল প্ৰদেশৰ দূৰৱৰ্তী সেনা ঘাটিলৈ অস্ত্ৰ-শস্ত্ৰ আৰু লজিষ্টিক যোগান ধৰাটো ইতিমধ্যে পাৰদৰ্শিতা প্ৰমাণিত হৈছে। সেয়েহে প্ৰতিৰক্ষা মন্ত্ৰালয়ে ভাৰতীয় বায়ুসেনাৰ বাবে আৰু ১০খন চি-২৯৫ মজলীয়া ক্ষমতাসম্পন্ন সামৰিক পৰিবহণ বিমান অন্তৰ্ভুক্ত কৰাৰ সিদ্ধান্ত গ্ৰহণ কৰিছে।
টাটা এডভান্সড চিষ্টেমছ লিমিটেডে স্পেইনৰ বিমান নিৰ্মাতা কোম্পানী এয়াৰবাছ ডিফেন্স এণ্ড স্পেচৰ স’তে যৌথ উদ্যোগত গুজৰাটৰ বৰোদাত থকা বিমান নিৰ্মাণ কাৰখানাত চি-২৯৫ নিৰ্মাণ কৰিব। বিমানখন ভাৰতৰ ‘মেক ইন ইণ্ডিয়া’ উদ্যোগৰ অংশ হিচাপে।বিগত বৰ্ষৰ অক্টোবৰ মাহত স্পেইনৰ ৰাষ্ট্ৰপতি পেড্ৰ’ ছানচেজৰ স’তে এই কাৰখানাটো উদ্বোধন কৰিছিল প্ৰধানমন্ত্ৰী নৰেন্দ্ৰ মোডীয়ে ।
২০২১ চনত স্পেনিছ কোম্পানীটোলৈ ৫৭খন চি-২৯৫ বিমান ডেলিভাৰী কৰা হৈছিল । লগতে হৈছিল ২২ হেজাৰ কোটি টকাৰ চুক্তি। এই চুক্তিত উল্লেখ কৰা হয় যে ভাৰতীয় বায়ুসেনাৰ বাবে স্পেইনৰ নিৰ্মাতা কোম্পানীটোৰ পৰা ১৬খন বিমান ‘উৰানৰ উপযুক্ত অৱস্থাত ’ আমদানি কৰা হ’ব। বাকী ৪০ খন সেই কোম্পানী আৰু টাটা গ্ৰুপৰ সহযোগত ভাৰতত নিৰ্মাণ কৰা হ’ব। প্ৰথম পৰ্যায়ত ২০২৩ চনৰ পৰা পৰ্যায়ক্ৰমে কেবাখনো বিমান ভাৰতত উপস্থিত হৈছে। পৰৱৰ্তী পৰ্যায়ত আৰু ১৫খন বিমান এয়াৰবাছ-টাটাক গতাই দিয়া হয়।
সংবাদ সংস্থা ৰয়টাৰে প্ৰকাশ কৰা অনুসৰি তৃতীয় ৰাউণ্ডত আৰু ১০খন বিমানৰ আলোচনা ইতিমধ্যে চূড়ান্ত হৈছে। বায়ুসেনাৰ সূত্ৰ অনুসৰি চীনৰ আগ্ৰাসনৰ ভাবুকি আহিলে অতিৰিক্ত বাহিনীয়ে চি-২৯৫ বিমানখন শীঘ্ৰে আগুৱাই যোৱা সেনা ঘাটিলৈ প্ৰেৰণ কৰিব পাৰে। একে সময়তে চি-২৯৫ বিমানত প্ৰয়োজনীয় অস্ত্ৰ-শস্ত্ৰ আৰু সামৰিক সঁজুলিৰে ৭১টা সৈন্য বা ৫০টা পেৰাট্ৰুপাৰ কমাণ্ডো কঢ়িয়াই নিব পাৰে।
