Bullet Train: দ্ৰুত গতিত আগবাঢ়িছে কাম। যদি সকলো ঠিকে থাকে তেন্তে ২০২৮ চনৰ ভিতৰত ভাৰতৰ মাটিত চলিব বুলেট ট্ৰেইন ।ইতিমধ্যে অধিকাংশ আন্তঃগাঁথনিৰ কাম সম্পূৰ্ণ হৈছে। এই কথা প্রমাণ দিলে স্বয়ং ৰে’ল মন্ত্রী অশ্বিনী বৈষ্ণৱে৷
ছ’চিয়েল মিডিয়াত তেওঁ জনালে, মুম্বাই-আহমেদাবাদ বুলেট ট্ৰেইন পথৰ ৩০০ কিলোমিটাৰ দৈৰ্ঘ্যৰ ভায়াডাক্টৰ কাম সম্পূৰ্ণ হৈছে। এই ভায়াডাক্টত ওপৰত লাইন লেইং কাম সম্পূৰ্ণ হ’ব। তাৰ পাছতে চলিব বুলেট ট্ৰেইন।
মুম্বাই-আহমেদাবাদ বুলেট ট্ৰেইনখনে ৫০৮ কিলোমিটাৰ দূৰত্ব অতিক্ৰম কৰিব। লগতে ট্ৰেইনখন ১২টা ষ্টেচনত ৰ’ব। ইয়াৰে ন’টা ষ্টেচন গুজৰাটত। মহাৰাষ্ট্ৰত তিনিটা। মাটিৰ তলত নিৰ্মাণ হ’ব মুম্বাই ষ্টেচন। বাকীবোৰ ওপৰত। যাত্ৰীৰ সুৰক্ষাৰ বাবে ব্যৱহাৰ কৰা হ’ব উন্নত প্ৰযুক্তি।
এই ৰে’লখন জাপানী শ্বিনকানচেন প্ৰযুক্তি ব্যৱহাৰ কৰি চলোৱা হ’ব। এই ট্রেন লাইনটো নেচনেল হাই স্পিড ৰেল কর্পোৰেশনে (NHSRCL) তৈয়াৰ কৰিছে ।
সেই এন এইচ এছ আৰ চি এলে জনাই ,ইতিমধ্যে ৩০০ কিলোমিটাৰ দৈৰ্ঘ্যৰ এই ভায়াডাক্টৰ কাম সম্পূৰ্ণ হৈছে। ইয়াৰে ১৪খন দলং নদীৰ ওপৰেৰে নিৰ্মাণ কৰা হৈছে, ইয়াৰে সাতখন ষ্টিলৰ দলং।
২.৭ কিলোমিটাৰ এলেকাত নিৰ্মাণ কৰা হৈছে ষ্টেচন বিল্ডিং।প্ৰথম অৱস্থাত এই বুলেট ট্ৰেইন প্ৰকল্পটো ২০২৩ চনৰ ভিতৰত সম্পূৰ্ণ হোৱাৰ কথা আছিল।
কিন্তু বিভিন্ন কাৰণত এটাৰ পাছত এটাকৈ প্ৰকল্পৰ সময়সীমা পাৰ হৈ গ’ল। বৰ্তমান কেন্দ্ৰটোৱে প্ৰকল্পটো সম্পূৰ্ণ কৰাৰ অন্তিম তাৰিখ হিচাপে ২০২৮ চনলৈ লক্ষ্য ৰাখিছে।
দেশৰ প্ৰথমটো বুলেট ট্ৰেইন প্ৰকল্পৰ ৰূপায়ণত পলম হোৱাৰ বাবে ব্যয় ১.৬ লাখ কোটি টকা অতিক্ৰম কৰিব।
