ভাৰত-বাংলাদেশৰ মাজত সম্পৰ্ক তিক্ত হৈ পৰাৰ মাজতেই এইবাৰ সীমান্তত দেখিবলৈ পোৱা গৈছে উত্তেজনা ।
আজি পুৱা অসমৰ মানকাচৰ জিলাৰ ঠাকুৰবাড়িত ভাৰত-বাংলাদেশ সীমান্তত ভাৰতৰ সীমান্ত সুৰক্ষা বাহিনী (BSF) আৰু বাংলাদেশী ব’ৰ্ডাৰ গাৰ্ড (BGB) ৰ সংঘাতপূৰ্ণ পৰিস্থিতিৰ উদ্ভৱ হোৱাৰ অভিযোগ উঠিছে ।
উল্লেখ্য যে ,মঙলবাৰে পুৱা ভাৰতীয় কৰ্তৃপক্ষই অবৈধভাৱে ভাৰতত প্ৰৱেশৰ চেষ্টা কৰা ১৪ গৰাকী বাংলাদেশী নাগৰিকক পুনৰ বাংলাদেশলৈ বিতাৰণৰ বাবে যো-জা চলাইছিল।
সেই সময়তে বাংলাদেশী ব’ৰ্ডাৰ গাৰ্ডে আন্তঃৰাষ্ট্ৰীয় সীমান্তৰ জি’ৰ লাইনত এই প্ৰক্ৰিয়াত হস্তক্ষেপ কৰি বিতাৰণত বাধা দিয়াৰ চেষ্টা চলোৱাৰ অভিযোগ উত্থাপন হৈছে।
সূত্ৰ অনুসৰি, ইয়াৰ পাছতে বিজিবিৰ হস্তক্ষেপৰ সমৰ্থনত শ শ বাংলাদেশী সাধাৰণ নাগৰিকে জি’ৰ লাইনত একত্ৰিত হোৱাৰ লগে লগে পৰিস্থিতি আৰু অধিক উত্তেজনাপূৰ্ণ হৈ পৰে ।
এই উত্তেজনা যাতে বৃদ্ধি নাপায় তাৰ বাবে বিএছএফৰ সৈন্যই শূন্যলৈ চাৰি ৰাউণ্ড গুলী বৰ্ষণ কৰে । ফলত বিজিবি জোৱান আৰু বাংলাদেশী নাগৰিকসকল পিছুৱাই যায় । তথ্য অনুসৰি,বৰ্তমান পৰিস্থিতি নিয়ন্ত্ৰণত আছে ।
