CAA :
কা’ক লৈ অব্যাহত থকা বিতৰ্কৰ মাজতে কেন্দ্ৰীয় চৰকাৰৰ হঠকাৰী সিদ্ধান্ত ৷ পুনৰ ১০ বছৰ বৃদ্ধি কৰা হ’ল কা’ৰ অধীনত আবেদনৰ ম্যাদ ৷২০২৫ চনৰ পূৰ্বে অহা লোকেও কৰিব পাৰিব নাগৰিকত্বৰ আবেদন৷পূৰ্বে নাগৰিকত্বৰ আবেদনৰ বাবে সময়সীমা আছিল ২০১৪ চনৰ ৩১ ডিচেম্বৰ ৷
ইতিমধ্যে কেন্দ্ৰীয় চৰকাৰে গেজেট অধিসূচনাৰ জড়িয়তে এই এই সময়সীমা বৃদ্ধি কৰিলে ২০২৪ চনৰ ৩১ ডিচেম্বৰ ৷ এতিয়াৰে পৰা আফগানিস্তান, পাকিস্তান, বাংলাদেশৰ পৰা ২০২৫ চনৰ পূৰ্বে অহা লোকেও নাগৰিকত্বৰ আবেদন কৰিব পাৰিব ৷ হিন্দু, শিখ, জৈন, বৌদ্ধ, পাৰ্চী আৰু খ্ৰীষ্টান ধৰ্মাৱলম্বী লোকে কৰিব পাৰিব ভাৰতীয় নাগৰিকত্বৰ বাবে আবেদন ৷
উল্লেখ্য যে,২০১৯ চনত আইনত পৰিণত হৈছিল বহু বিতৰ্কিত নাগৰিকত্ব সংশোধনী বিধেয়ক |
কা’ক লৈ অসমত বিতৰ্ক অব্যাহত থকাৰ সময়তে নতুন সংশোধনী প্ৰকাশৰ পাছতেই ৰাজ্যজুৰি তীব্ৰ প্ৰতিক্ৰিয়া সৃষ্টি হয় ৷
আনহাতে কা’ক লৈ কেন্দ্ৰীয় চৰকাৰে পুনৰ হেতালি খেলা কাৰ্যৰ বিৰোধিতা কৰে সদৌ অসম ছাত্ৰ সন্থাই৷ এক বিবৃতিত সভাপতি উৎপল শৰ্মাই কয়,অসমৰ দৰে সৰু ৰাজ্যৰ ওপৰত এনে পদক্ষেপ জাপি দিব নোৱাৰিব ৷অচিৰেই কেন্দ্ৰই এই অধিসূচনা বাতিল কৰক ৷ অন্যৰ্থাই ইয়াৰ বিৰুদ্ধে তীব্ৰ গণতান্ত্ৰিক আন্দোলন গঢ়ি তোলা হ’ব I
আনহাতে কা’ৰ জৰিয়তে নাগৰিকত্ব প্ৰদানৰ ম্যাদ ২০২৪ৰ ৩১ ডিচেম্বৰলৈ বৃদ্ধিৰ বিৰোধিতাৰ তীব্ৰ বিৰোধীতা অসম জাতীয় পৰিষদৰ ৷ এই সন্দৰ্ভত পৰিষদৰ সভাপতি লুৰিণজ্যোতি গগৈয়ে কয়,৫৩ বছৰৰ অবৈধ বিদেশীৰ বোজা অসমৰ ওপৰত জাপি দি খিলঞ্জীয়া থলগিৰী মানুহৰ ৰাজনৈতিক অধিকাৰ নিঃশেষ কৰিব বিচাৰিছে কেন্দ্ৰই৷কেন্দ্ৰৰ এই হঠকাৰী পদক্ষেপৰ তীব্ৰ বিৰোধিতা কৰি যাব অসমৰ ৰাইজ ৷
একেদৰে কংগ্ৰেছ বিধায়িনী দলৰ দলপতি তথা বিৰোধী দলপতি দেবব্ৰত শইকীয়ায়ো কা’ৰ জৰিয়তে নাগৰিকত্ব প্ৰদানৰ ম্যাদ ২০২৪ৰ ৩১ ডিচেম্বৰলৈ বৃদ্ধিৰ বিৰোধিতা কৰে ৷ এই সম্পৰ্কত শইকীয়াই চৰকাৰৰ এই সিদ্ধান্তৰ বিৰুদ্ধে সকলোকে প্ৰতিবাদ কৰিবলৈ আহ্বান জনাই ৷
আনহাতে,কৃষক মুক্তিৰ সাধাৰণ সম্পাদক বিদ্যুৎ শইকীয়াই যি বিলাক জাতিদ্ৰোহীয়ে কা’ আন্দোলনক বিপথে পৰিচালিত কৰি ‘কাট অফ দেট’ সলনি নহয় বুলি ওকালতি কৰিছিল, তেওঁলোকক ৰাজহুৱাকৈ জবাবদিহি কৰিব লাগে অসমীয়া জাতিয়ে।” আন্দোলনকাৰীৰ কথা এটা এটাকৈ সত্য প্ৰমানিত হোৱা বুলি উল্লেখ কৰি কা’ ৰ ‘কাট অফ দেট’ সলনিৰ বিৰোধিতা কৰে ৷ ইপিনে,কা’ৰ অধীনত আবেদনৰ ম্যাদ ১০ বছৰ বৃদ্ধি সন্দৰ্ভত মুখ্যমন্ত্ৰী হিমন্ত বিশ্ব শৰ্মাৰ প্ৰতিক্ৰিয়া প্ৰকাশ কৰি কয়, অসমত এতিয়ালৈকে ১২ জনে আবেদন কৰিছে,৩ জনে নাগৰিকত্ব পাইছে ৷
