আজিৰ পৃথিৱীত অনলাইনত ধন পঠোৱাটো অবিশ্বাস্যভারে সহজ হৈ পৰিছে যদিও সৰু ভুল এটাও ব্যয়বহুল বুলি প্রমাণিত হ’ব পাৰে। প্ৰায়ে খৰখেদাকৈ ভুল ইউপিআইআইডি বা বেংক একাউন্টলৈ পইচা পঠিয়াই দিওঁ। এনে পৰিস্থিতিত আতংকিত হোৱাৰ পৰিৱৰ্তে সঠিক সময়ত সঠিক পদক্ষেপ ল’লে আপুনি আপোনাৰ ধন সুৰক্ষিতভাৱে ঘূৰাই পাব পাৰে।
ভাৰতীয় ৰিজার্ভ বেংক আৰু এনপিচিআয়ে গ্ৰাহকৰ বাবে স্পষ্ট নিয়ম স্থাপন কৰিছে। যদি আপুনি এনে কোনো ঘটনাৰ সন্মুখীন হয়, তেন্তে প্রথমে এপটোৰ ‘সহায়’ অংশলৈ যেনে গুগলে, পে, ফোন পে, পেটিএম গৈ অভিযোগ দাখিল কৰক। তাত লেনদেন আইডি আৰু ইউটিআৰ নম্বৰৰ দৰে তথ্য দিব লাগিব।
তৎক্ষণাত আপোনাৰ বেংকৰ স’তে যোগাযোগ কৰাটো অতি গুরুত্বপূর্ণ। আপুনি বেংকত গৈ তেওঁলোকক লিখিতভাবে জনাই দিব পাৰে যে সেইখন ভুলকৈ আন কাৰোবালৈ ট্রেন্সফাৰ কৰা হৈছে। ভুলকৈ ধন লাভ কৰা ব্যক্তিজনৰ বেংকত যোগাযোগ কৰি বেংকে ধন ঘূৰাই দিয়াৰ প্ৰক্ৰিয়া আৰম্ভ কৰিব।
যদি আপুনি বেংক বা এপটোৰ স’তে সমস্যা সমাধান কৰিব নোৱাৰে তেন্তে পোনপটীয়াকৈ এনপিচিআইৰ ৱেবছাইটত গৈ ‘বিবাদ নিৰাময় ব্যৱস্থা’ৰ জৰিয়তে অনলাইনযোগে অভিযোগ দাখিল কৰিব পাৰে বা তেওঁলোকৰ হেল্পলাইন নম্বৰত ফোন কৰিব পাৰে।
যদি এই সকলোবোৰ প্ৰচেষ্টাৰ পাছতো ৩০ দিনৰ ভিতৰত কোনো প্রস্তাব পোৱা নাযায়, তেন্তে আপুনি বেংকিং ন্যায়াধীশৰ ওচৰত আবেদন কৰিব পাৰে। মনত ৰাখিব, আপুনি যিমানেই সোনকালে ভুল লেনদেনৰ ৰিপ’ৰ্ট দিব, সিমানেই আপোনাৰ ধন ঘূৰাই পোৱাৰ সম্ভাৱনা বেছি।